san carlo parte iniziale volume 5 valletrompia.qxd - Brixia Sacra

RIVIERA DEL GARDA
[f. 876r] In ecclesia Sancti Ioannis Baptistae in caemiterio suprascriptae
archipresbyteralis ecclesiae et caetera.
Infra quindecim dies sepulturae omnes in oratorio suprascripto humo
impleantur et pavimento obstruantur adequenturque et pavimentum decens
conficiatur et in eius medio constituatur baptisterium ad formam secundam
instructionum, adhibito sub vase minori in quo nunc aqua baptismalis asservatur,
altero vase ampliori et congruo ciborio quo utrumque tegatur. Situs
autem baptisterii ita profundus sit ut ad illud tribus saltem gradibus a reliquo
pavimento oratorii descendatur ad formam instructionum infra annum.
Altare in nicia eiusdem oratorii fabricetur et in pariete seu in icona pingatur
imago Sancti Ioannis Baptistae dominum Iesum baptizantis. Parietes suprascripti
oratorii incrustentur et pingantur. Fenestris vitrea adhibeantur.
Ostium respondens in domo archipresbiterali muro obturetur.
Archipresbyter termino mensis legatum magistri Andreae filii quondam
Iacobi de Septis, in quo aggravat haeredes ad solvendum singulo anno
ducatum unum cappellae Sancti Ioannis Baptistae cum onere celebrandi bis
in mense, reverendissimo ordinario exhibeat qui summarie et prout iuris
fuerit compellat haeredes ad solutionem totius temporis praeteriti et ad [f.
876v] cautionem praestandam vel ad assignandam proprietatem pro solutione
3 temporis futuri ne forte ob descendentium divisiones, dimembrationesque
bonorum dictum legatum diperdatur.
Caemiterium ante ecclesiam collumellis et assidibus quadratis sepiatur,
quo septo concludatur spatium quod latitudine capiat totum frontispicium
ecclesiae, longitudine vero tendatur ad cubitos sex, columnam sive petram
prope in terra fixam plateae et per rectam lineam ob omni angulo repagulum
connectatur. In spatio autem caemiterii, quod extra repagulum remanet,
effodeatur et ossa in caemiterio sepeliantur et illud spatium, cum ossa
translata fuerint, iam nunc ratione viae publicae illustrissimus dominus
visitator prophanat et prophanatam esse declarat. Caemiterium post oratorium
Sancti Ioannis Baptistae ab archipresbytero in hortum conversum
infra duos menses sub poena ipsi archipresbitero aureorum centum fabricae
ecclesiae 4 applicandorum iam nunc; purgetur a quibuscumque arboribus,
virgultis, spinis et aliis impedimentis et in eius medio columella cum
cruce erigatur ad formam.
In sacristia provideatur de tunicellis, planeta et pluviali rubei coloris. De
planeta item violacea et de altera viridi ex pannis sericis infra annum, de
97