san carlo parte iniziale volume 5 valletrompia.qxd - Brixia Sacra

VALLE SABBIA
Barbaine, Sant’Andrea
[a. Acta visitationis, ff. 692v-694v
Brescia, XXXIII, ff. 44r-45v
U. VAGLIA, Storia della Valle Sabbia. Documenti, II, Brescia 1970 2 , pp. 146-149]
[b. Decreta particularia, ff. 915r-918r
Brescia, XXV, ff. 150v-153r; XXXV, ff. 235r-238v]
[a. CHIESA PARROCCHIALE DI SANT’ANDREA DI BARBAINE]
[f. 692v] Die octavo maii
Visitavit parochialem ecclesiam Sancti Andreae loci Barbaini et deinceps
intra eius fines infrascriptas ecclesias, cappellas, oratoria, scholas et pia
loca. Consecratam. Sanctissimum Sacramentum [f. 693r] non asservatur.
Baptisterium non ad formam, et loco incongruo. Altaria duo, videlicet altare
maius et altare Beatae Virginis Mariae cum schola ut infra. Sacristiam,
sed coemiterio caret et domo parochiali. Haec ecclesia distat spatio milliaris
ab habitationibus populi, et curati in ea tantum singulis diebus festivis
sacramenta ministrantur et missa parochialis celebratur, quia populo, qui in
diversis villis huic ecclesiae subiectis divisus est, commodior videtur. Redditus
annui sunt ducatorum 100 vel circa.
Titularis est presbyter Gabriel Burlienus annorum 60, de titulo et de
ordinibus docuit, scientia habilis in munere parochi, bonae vitae ut dicitur.
Clericum non habet, habitat in aedibus parochialibus. Animae 1250 quae
sacram communionem sumunt circiter 650. Schola Doctrinae christianae
nulla exercetur. Schola Beatae Virginis Mariae non erecta, regulas habet,
sed non comprobatas, redditibus caret. Regitur a massario, qui a societate
est electus et iam ab annis duodecim non mutatus, qui quidem facta supputatione
remanet debitor librarum 147. Administrationum rationes societati
coram curato redduntur.
Visitavit ecclesiam Sancti Marci loci Levemi membrum suprascriptae
ecclesiae Sancti Andreae Barbaini consecratam ut creditur, et in ea Sanctissimum
Sacramentum coram quo lampas expensis scholae assidue lucet.
Baptisterium non ad [f. 693v] formam, et loco incongruo. Altaria duo,
videlicet altare maius et altare Sanctissimi Sacramenti cum schola ut infra.
187