san carlo parte iniziale volume 5 valletrompia.qxd - Brixia Sacra

BRIXIA SACRA
siae antequam vestibulum etiam construatur. In sacristia fiant oratorium et
lavatorium. Provideatur de paramento albo cum suis finimentis, de corporalibus
item et eorum sacculis diversorum colorum, de purificatoriis et de vase
pro eorum ablutione infra duos menses. Praeterea omnia, quam primum
poterit, comparentur ad usum ecclesiae et sacristiae, quae de suppellectili
ecclesiae parochialis in instructionibus generalibus commonstrata sunt.
Schola Sanctissimi Sacramenti, quae cum non docuerit de eius legitima
erectione, erecta iam nunc est ab illustrissimo visitatore, servet regulas ad
usum provinciae Mediolanensis edendas. Scholares Sanctissimi Sacramenti
vicario foraneo, vel cui ille 1 demandarit, administrationum rationes reddant.
Clericus idoneus in habitu, qui missis et aliis officiis parochialibus
inserviat a populo teneatur. Curatus in erudiendis pueris et aliis in doctrina
christiana in hoc munere adhibitis etiam aliis operariis iuxta regulam
institutionis christianae sollicitum se praebeat. Provideatur de domo sacerdotali
prope ecclesiam expensis communis infra duos annos.
In oratorio Sancti Gothardi in Monte
[f. 941 bis 2 ] Altare tollatur infra quindecim dies et a parte anteriori claudatur
ne pateat bestiis, aut eodem termino, a parte anteriori muro constructo,
ostium et fenestrae fiant altareque ad formam reducatur et provideatur
de bradella, septo, pallis, cruce, mappis, candelabris.
[f. 942r] In oratorio Sancti Gotthardi parvo
Ne celebretur quinimo altare tollatur et eleemosynae quae in eodem fient,
praeter ornatum oratorii applicentur fabricae ecclesiae parochialis et ideo
infra quindecim dies eligantur per curatum in commune massarii, qui eleemosynas
in librum referant et eorum curam habeant. Massarii, qui sunt
dominus Benedictus Badinus et Castrinus Guerra, apud quos sunt librae
quadraginta eleemosynarum suprascripti oratorii, solvant eas cum interventu
curati in manibus deputatorum fabricae ecclesiae parochialis pro
fabrica eiusdem ecclesiae.
1
Corretto da illo.
2
Si tratta di un foglio aggiunto tra f. 941v e f. 942r.
270