san carlo parte iniziale volume 5 valletrompia.qxd - Brixia Sacra

DECRETI AGGIUNTI
muneris satisfactionem compellat, verum etiam ad assignandum tot bona
immobilia dictae haereditatis, ex quibus vi dicti legati probabiliter redditus
annui ducatorum quattuor percipi possint, habita ratione ut iuris erit temporis
quo haec assignatio facienda erat. Reverendissimus ordinarius, pro ut
iuris fuerit, cogat commune Maderni ad celebrationem missae quotidianae
ex legato Bartholomei del Sasso. Archipresbyter instrumenta alienationum,
permutationum bonorum archipresbyteratus, diminutionis item fictorum
libellariorum, intra mensem reverendissimo ordinario exhibeat, qui summarie
et ex officio huius decreti auctoritate tum ratione nullitatis tum
ratione laesionis, si quae huiusmodi in ipsis contractibus intervenisse compererit,
ad dictorum contractuum rescisionem et bonorum relaxationem et
fictorum libellariorum liberationem et fructuum perceptionum restitutionem
prout iuris erit 1 agat. Reverendissimo ordinario intra mensem exhibeatur
legatum Danielis de Septis qui summarie et ex officio omni iuris
remedio caveat ut frumentum et alia, quae ex eodem legato distribuenda
sunt, tam ratione temporis praeteriti quam futuri in pauperibus tantum
cum testimonio curati, seu in eos quibus de iure debentur, erogentur.
Archipresbyter pro ratione temporis, quo in posterum in aedibus archipresbiteralibus
non habitarit, poenam decretis iam editis constitutam ipso facto
subeat 2 quae deputatis 3 [f. 1052r] ecclesiae eiusdem iam nunc applicatur.
Quod si quandoque per aliquos paucos dies habitare contigerit, modo
omne illud tempus in simul in singulo anno mensem non excedat poena
pro ratione eius temporis locum non habeat.
Populus convenienti loco prope ecclesiam in aliquo etiam spatio aedium
archipresbiteralium de reverendissimi tamen episcopi iudicio domum, quae
concionatoribus commoda sit ad habitandum construat intra tres annos,
interim vero habitationem concionatori archipresbiter subministret accomodeturve
in aedibus suis ut melius potest. Eundem hortamur,ut voluntarie
aliquid contribuat ad suppeditandum victum concionatori tempore quadregesimali.
Procuretur Romae commutatio eleemosinarum panis quam
communitas de consensu omnium quorum interest, pauperum praesertim,
quibus eae ex legato debentur in alios pios usus converti exposcit. Spatium
artae aedium parochialium quod spatio construendarum ibidem cappellarum
supererit cum ossa mortuorum ex eo effossa et translata fuerint, illustrissimus
visitator iam nunc profanat et profanatam etiam declarat in usus
tamen non sordidos. Reverendissimus ordinarius processum de obligatione
447