san carlo parte iniziale volume 5 valletrompia.qxd - Brixia Sacra

BRIXIA SACRA
de Bertellis suprascripto communi factum nonnullorum bonorum stabilium
cum onere distribuendi redditum in pane et vino pauperibus loci suprascripti
Maderni, verum per reverendissimum episcopum Brixiensem, ut dicitur,
bona applicata fuere Monti pietatis suprascripto, qui ea nunc possidet.
Aliud legatum Catharinae [f. 673v] Chiapinae comunitati suprascriptae
factum quorundam bonorum stabilium, quorum redditus annui sunt librae
circiter 52 planetarum, cum onere distribuendi quartam partem reddituum
in pane et vino pauperibus Maderni, quartam autem aliam partem in celebratione
missarum. Distributio fit tam divitibus quam pauperibus per capita
indistinctim, et missae nunc non celebrantur. Dicitur etiam adesse legatum
Danielis de Septis distribuendi salmam furmenti et alia quaedam pauperibus,
cui non satisfit. Communitas loci predicti instanter petiit commutari
distributionem panis predictorum legatorum in alios pios usus de consensu
eorum quorum interest.
Ecclesia Sancti Faustini in Monte Maderni
Habet tria altaria, videlicet altare maius et altare Beatae Virginis Mariae
cum schola ut infra quod etiam altare dotatum dicitur per Pasquetum
Reghetinum nonnullis bonis pro ut in eius testamento. Aliud altare indotatum.
Habet coemiterium muris septum. Sacristiam. Domum ecclesiae
annexam. In suprascripta ecclesia est capellania cum onere, ut dicitur, missae
quotidianae. Redditus annui sunt ducatorum 50. Praedicta capellania
unita fuit archipresbyterali beneficio Maderni per illustrissimum visitatorem
cum onere contribuendi [f. 674r] cappellano ducatos triginta quotannis,
computatis legatis infrascriptis.
Titularis est presbyter Thomas de Septis, qui etiam est archipresbyter
Sancti Andreae loci Maderni, ut supra dictum est. Satisfacit cum mercede
annua ducatorum 25, adnumerato legato infrascripto Bartholomei de Presegno
per presbyterum Sigismondum Bertazolum, qui est annorum 30. De
ordinibus et licentia audiendi confessiones legitime docuit, scientia aptus ad
curam animarum. Bonae etiam vitae. Habitat in suprascriptis aedibus ecclesiasticis;
praedictus cappellanus consuevit ex antiquo usu diebus festis solemnioribus
celebrare in ecclesia archipresbyterali, sed cum in ea non sine incommodo
accedere possint, complures habitantes in dicto monte petunt missam
celebrari in dicta ecclesia Sancti Faustini illis ipsis diebus etiam solemnioribus.
In suprascripta ecclesia adest etiam legatum Bartholomei de Presegno factum
92