san carlo parte iniziale volume 5 valletrompia.qxd - Brixia Sacra

BRIXIA SACRA
aureorum 50. Cappellanus est presbyter Valerius Calconus annorum 52, de
ordinibus et de electione et confirmatione suprascripti legati docuit. Scientia
tolerabilis in munere suo, habitat in domibus patrimonialibus, suprascriptos
redditus percipit et oneri per se ipsum satisfacit.
Altare Sancti Alvisii habet legatum missae quotidianae conditum per
Laurentium de Truscis anno 1498, in quo agravat Mapheum de Gaiettis
heredem ad dandum ex fructibus hereditatis praedictae salarium condecens
uni sacerdoti quotidie celebranti et ad nutum communis Salodii amovibili.
Praeterea etiam ad providendum de paramentis et aliis necessariis pro celebratione
in dicto altari, et quod in bonis dictae assignationis et dotis nullus
ecclesiasticus nec papa nec collegium se intromittere possit nec tanquam
benefitium impetrari. Verum bona dictae assignationis et hereditatis
distracta fuere, assignatis redditibus annuis ducatorum 14 dicto altari sub
Leone X per officium paenitentiariae onus et [f. 715v] trium missarum ad
celebrationum in hebdomada reductum fuit. Cappellanus titularis nunc est
presbyter Marchus de Garrettis annorum 34, per se ipsum satisfacit, de
ordinibus et de titulo docuit. Scientia tolerabilis in munere suo. Bonae
vitae ut dicitur, habitat in aedibus patrimonialibus.
Altare Sancti Marci dotatum a domina Catharina Chataneiis, quae instituit
heredem communem Salodii cum onere ut ex redditibus dictae hereditatis
sustineatur sacerdos, qui missas et divina officia in dicto altari celebret,
ordinem ab ipso commune describendo. Redditus annui dictorum
bonorum sunt ducatorum 12. Cappellanus amovibilis est presbyter Antonius
Mollia, qui quotidie celebrat et est sacrista in suprascripta parochiali
cum mercede annua ducatorum 25, computatis suprascriptis redditibus
quae per suprascriptum communem solvuntur, est annorum 36, de ordinibus
docuit. Scientia tolerabilis in munere suo. Bonae vitae ut dicitur. Habitat
in aedibus parochialibus. Adest aliud legatum domini Stephani Bertelli,
qui aliquos quosdam lapides arte sculptoria laboratos pro ornamento
suprascripti altaris impensis heredum aptandos.
In altare Sancti Stephani est titularis cappellania de iure patronatus, ut
dicitur, communitatis dicti [f. 716r] loci, cum onere missae quotidianae et
adiuvandi archipresbytero in cura animarum ubi ab ipso archipresbytero
requiratur. Redditus annui sunt librarum 250 planetarum. Titularis est presbyter
Carolus Guicerotus annorum 42 qui de ordinibus et titulo docuit.
Scientia tolerabilis in munere suo etiam coadiutoris in cura animarum.
278