san carlo parte iniziale volume 5 valletrompia.qxd - Brixia Sacra

VALLE SABBIA
mosynis expenduntur in cereis pro processionibus Sanctissimi Sacramenti,
in celebratione [f. 679v] missarum, et ornatibus altaris. Administrationum
rationes vicario foraneo redduntur.
Schola Beatae Virginis Mariae. Non erecta. Regulas habet, sed non comprobatas.
Redditus annuos item librarum 16 planetarum relictos cum onere
missarum nonnullarum, eleemosynas etiam, qui quidem redditus et eleemosynae
in ornatibus altaris et celebratione missarum expenduntur.
Regitur per massarium et alios officiales, qui ab annis quatuor non sunt
mutati. Administrationum rationes coram archipresbytero dantur quibus
visis compertum est Bartholomeum Paxum olim massarium nonnullas
pecunias dictae scholae debere apud eum in fine muneris sui relictas, quas
nunc restituere neglegit. Legata pia. Ex quibusdam legatis commune dicti
loci Boarni tenetur diversis diebus in anno distribuere eleemosynas quas
ipsi charitatis appellant, sed authentica legata haberi non potuerunt 3 preter
quod in aliquibus legatis visum est illas eleemosynas erogandas esse secundum
usum dicti communis, quae ipsi dicunt esse ut tam divitibus quam
pauperibus distribuantur, habitantibus et oriundis ex dicto loco Boarni. [f.
680r] Redditus annui sunt modiorum 30 vel circa bladorum diversorum.
Oratorium Santi Rochi
Habet unicum altare sine redditibus. Paries frontispicii dicti oratorii ex
parte sinistra, ad ingressum portae maioris a vicino occupari videtur, cui ut
abstineat factum est praeceptum in facie sub poena aureorum centum,
applicandorum etc. et excomunicationis in subsidium.
Oratorium Sancti Ioannis Baptistae
Habet altare sine redditibus. In usus prophanos conversus a communitate.
Ecclesia Sanctae Mariae Annunciationis in arce super collem constructa,
pulchra. Habet unicum altare et sacristiam. In hac ecclesia est capellania de
iurepatronatus, ut dicitur, communitatis Boarni, quae habet redditum
annuum librarum 10 planetarum cum onere celebrandi singulis diebus
festis Beatae Virginis Mariae. Titularis est presbyter Franciscus Forlinus,
cuius status infra in visitatione ecclesiae Levrangiaris, cuius etiam est cappellanus,
describetur; in eius praeiuditium facti sunt sequestri; oneri integre
non satisfacit, sed eius nomine coadiutor curae Boarni quandoque cele-
121