san carlo parte iniziale volume 5 valletrompia.qxd - Brixia Sacra

BRIXIA SACRA
Sanctissimi Sacramenti comparantur, plus tamen in panes et agnos assatos
impenduntur, qui tempore Paschatis in maximum scholae dispendium tam
pauperibus quam divitibus [f. 704r] distribuuntur; singulo anno administrationum
rationes curato redduntur, quibus visis in visitatione subscriptum est.
Presbyter Angelus de Saviis annorum 62, de ordinibus docuit. Cappellanus
scholae Sanctissimi Sacramenti cum mercede librarum 22, scientia vix
tolerabilis in munere suo, bene audit, et in propriis aedibus habitat.
Oratorium Sanctae Catharinae
Habet unicum altare inornatum, et sine redditibus, in quo quandoque ex
devotione celebratur.
Oratorium Disciplinatorum, quod nuper extruitur, habet unicum altare in
quo tamen non celebratur. Schola Disciplinatorum suprascripti oratorii caret
redditibus et erectione, regulas habet, sed non comprobatas. Regitur per aliquos
deputatos ab ipsa societate, qui administrationum rationes eidem societati
reddunt. Eleemosynam etiam extra dictam parochialem quaeritant.
Oratorium Sancti Georgii in vertice montis constructum, inornatum,
habet altare, sed nullos redditus, in eo ex devotione celebratur.
Oratorium Omnium Sanctorum loci Rezani, non consecratum, habet
tria altaria sine redditibus, in quo quandoque ex devotione celebratur.
Oratorium Sancti Andreae loci Monacii, inornatum, habet unicum altare
sine redditibus, in quo quandoque curatus Agnosini celebrat, cum infirmis
praesertim eucharestiae sacramentum est ministrandum. [f. 704v] Sacristia
adest 2 . Vicini huic ecclesiae sunt 200 a parochiali spatio milliaris distantes.
Oratorium campestre Sanctorum Gervasii et Protasii inornatum cum
altare pariter inornato, in quo supradictus curatus ex antiqua consuetudine
feria tertia Paschatis resurectionis celebrat.
Oratorium Sanctae Mariae in Campello parvum, et omnino inornatum.
Die XII maii praedicti anni
Visitavit ecclesiam Sanctae Mariae loci Benzaghi membrum, ut dicitur,
suprascriptae parochialis Agnosini. Consecratam, ut creditur, in eaque
230