san carlo parte iniziale volume 5 valletrompia.qxd - Brixia Sacra

VALLE SABBIA
Odolo, San Zenone
[a. Acta visitationis, ff. 705r-706v
Brescia, XXXIII, ff. 56r-57r
U. VAGLIA, Storia della Valle Sabbia. Documenti, II, Brescia 1970 2 , pp. 171-176]
[b. Decreta particularia, ff. 935r-938r, 1053v-1054r
Brescia, XXV, q. 1, ff. 9v-11v, 16r-v; XXXV, q. 25, ff. 258r-260v]
[a. CHIESA PARROCCHIALE DI SAN ZENONE DI ODOLO]
[f. 705r] Die suprascripto
Visitavit parochialem ecclesiam Santi Zenonis loci Odoni 1 , et deinceps intra
eius fines infrascriptas ecclesias, cappellas, scholas, oratoria et pia loca. Consecratam
(ut creditur ab incolis), item et in ea Sanctissimum Sacramentum.
Baptisterium non ad formam, et loco incongruo. Altaria quinque, videlicet
altare maius, altare Sanctissimi Sacramenti cum schola, altare Sancti Antonii
cum schola Rosarii et alia duo indotata. Sacristiam et coemiterium clausum.
Domum parochialem infra dictum colem, et ab [f. 705v] ecclesia tertia parte
milliaris distantem. In fabricam ecclesiae ex collectis incumbit populus. Redditus
annui sunt ducatorum 100, ex quibus quinquaginta sunt reservati
domino *** de Cotonis infrascripti titularis fratri, habitum laicalem deferenti;
factae fuerunt relaxationes, seu compositiones quaedam quarantularum
quae huic beneficio praestabuntur super agro Oduli in maximum preiuditium
ipsius beneficii, et sine legitima authoritate, ut dictum fuit.
Titularis est presbyter Baldhasar Cotonis, annorum 30, de titulo et de
ordinibus docuit, scientia tolerabilis in munere parochi quo fungitur, negligens
circa missarum celebrationem, et sacramentorum administrationem,
suspectus de mercatura, familiaribus negotiis deditus. Brevibus vestibus
utitur. Clericum non habet, et in aedibus paternis a parochiali spatio circiter
milliaris distantibus habitat. Tenetur quotidie celebrare ex conventione
cum populo ratione quarantularum, quas populus solvit. Animae sunt
1050, quae sacram communionem sumunt 600. Concubinarii Michael de
Petagolinis cum Veronica de Petagolinis, Bartholomeus de Castris cum
Ioanna de Lialis, Faustinus de Ciminotis cum Ioanna de Cathalinis, quibus
singulis praeceptum fuit poena aureorum [f. 706r] 50 et excomunicationis
in subsidium, ut abstineant a concubinatu, ut in filo criminalium constat.
237