san carlo parte iniziale volume 5 valletrompia.qxd - Brixia Sacra

BRIXIA SACRA
quatur ex eleemosynis et oblationibus quae in dies ibidem offeruntur
quousque ad praescriptum decretorum instructa fuerint, propterea reverendus
archipresbiter curabit una cum duobus piis hominibus a populo eligendis
ut fideliter expendantur ac deinde oblationes et eleemosynae ipsae
ad quos olim spectabant in futurum etiam pertineant. Si autem ecclesiam
ipsam reditus aliquos habere compertum fuerit ex ipsis dimidia pars sumptus
fiat, reliquum vero suppleatur ex eleemosinis ut supra et a populo.
Administratores Seminarii Brixiensis studeant quamprimum exhibere
reverendissimo episcopo unionem quae Seminario ipsi ab episcopo Bollano
facta praetenditur clericatus, quem in hac ecclesia nunc possidet presbiter
Antonius Franciscus Bosius et prout iuris erit compellat eundem ad
beneficii dimissionem et fructuum restitutionem.
ESINE, SAN PAOLO
[Decreta particularia, II, ff. 1031v-1032r
Brescia, XXIV, q. 18, f. 218v]
[Visita apostolica, IV, pp. 343-352]
In ecclesia parochiali Sancti Pauli Eseni
Communitas Eseni ad praescriptum ordinationis iam editae numos aureos
triginta pro pingenda cappella maiori voti rea persolvat, si quid vero postea
pingendum in ea relinquetur id communitas ipsa, cumprimum poterit,
praestet. Communitas item ea quae de altari Sancti Antonii decreta sunt
exequatur ex eleemosynis et oblationibus quae in dies ibidem offeruntur
quousque ad praescriptum eorundem decretorum instructum fuerit ac
deinde oblationes et eleemosynae ipsae ad quos olim spectabant [f. 1032r]
omnino restituantur, propterea parochus una cum duobus piis hominibus
ab eo eligendis omni studio incumbet ut fideliter ad praescriptum expendantur.
Communitas si intra annum pluviale ut in ordinationibus praescriptum
est comparare non poterit, illud tamen cum per facultates licuerit
parare, nulla ratione omittat. Altare in cappella Sancti Rochi aperta constructum
cum in eo celebrari non liceat, omnino tollatur nisi homines et
commune cappellam ipsam muro claudere malint.
416