san carlo parte iniziale volume 5 valletrompia.qxd - Brixia Sacra

RIVIERA DEL GARDA
Maderno, Sant’Andrea
[a. Acta visitationis, ff. 670v-675r
Brescia, XXXIII, ff. 19v-23r]
[b. Decreta particularia, ff. 873v-880v, 1051r-1051v
Brescia, XXV, ff. 92r-99r; XXXV, ff. 199r-202r]
[a. CHIESA PARROCCHIALE DI SANT’ANDREA DI MADERNO]
[f. 670v] Die 30 aprilis praedicti anni
Visitavit 1 parochialem ecclesiam archipresbyteratum nuncupatam Sancti
Andreae loci Maderni, caput plebis et deinceps intra eius fines infrascriptas
ecclesias, capellas, oratoria, scholas et alia loca pia. Non consecratam, pulchram
tamen, et in eadem Sanctissimum Sacramentum ante quod impensis
archipresbyteri lampas assidue ardet. Reliquias sanctorum parvas cum vase
lapideo in armariolo sacristiae asservatas. Arcam lapideam sub altari clausam
partim, et partim in confessionis loco respondenti, in qua ossa et reliquiae
sancti Herculiani brixiensis episcopi continentur ante quam lampas
impensis comunitatis dicti loci iugiter collucet.
[f. 671r] Altaria sex, videlicet altare maius dotatum per Bertholinum de
Saxo, qui instituit heredem dictam comunitatem cum oneri missae quotidianae
cui onere a mensibus *** non satisfit. Altare Sancti Herculiani cum
schola Corporis Domini et Rosarii, quae quidem ex devotione in eo quandoque
celebrare faciunt. In hoc altare post obitum Dominicae relictae per
Christinum de Christinis communitas Maderni uti heres dicti Christini
tenetur ad celebrationem missae quotidianae cum annua mercede ducatorum
quinquaginta. Altare Sanctorum Bernardi et Catharinae habet legatum obligans
illos de Monsilicensis ad onus missae unius singulis mensibus. Item
aliud legatum missarum 12 in annum, quae ut plurimum non celebrantur ob
divisiones descendentium dictae familiae de Monsilicensis. Altare Sancti
Laurentii habet redditum annuum ducatorum quatuor ex legato Antonii de
Lanzentis, cum onere missarum *** et facultate archipresbytero in eodem
legato data accipiendi tot bona ex hereditate dictae de Lanzetis, ex quibus
redditus annui ducatorum quatuor probabiliter percipi possunt, sed ob divisiones
descendentium redditus non solvuntur, et missae non celebrantur.
89