san carlo parte iniziale volume 5 valletrompia.qxd - Brixia Sacra

SALÒ
Schola Sancti Iosefi, de eius erectione non constat, regulas habet, sed
non comprobatas; redditus annuos librarum 6, et eleemosynas ex quibus
ornamenta altaris comparantur, regitur a duobus massariis, qui singulo
anno mutantur et societati ipsi rationes administrationum dantur.
Schola Nominis Iesu. Caret erectione et redditibus ac scholaribus,
regulas habet, sed non comprobatas; a comunitate Salodii eligitur massarius,
qui eleemosynarum curam habet.
[f. 721v] Schola Sancti Michaelis, caret erectione et redditibus, habet
regulas, sed non comprobatas, redditus item annuos librarum 10 et eleemosynas
annuas, quae esse poterunt ducatorum 25 vel circa, quae in candelas
et ornatum altaris ac etiam in panes pauperibus distribuendos impenduntur;
administrationum rationes societati redduntur a massario a quo
schola regitur; visis supputationibus, subscriptum est.
Schola Sancti Antonii caret erectione et regulis, habet redditus annuos
librarum 16, item eleemosynas annuas quae esse poterunt librarum 35 ex
quibus cerei et ornatus altaris comparantur, panes item qui pauperibus
distribuuntur. Habet etiam quaedam legata parvi momenti semel tantum
adimplenda, quibus non satisfit.
Schola Sancti Christophori non erecta. Habet regulas, sed non comprobatas.
Redditus item annuos librarum 205, ex quibus 75 sacerdoti dantur
quotidie in altari Sancti Christophori celebranti, praeterea cerei et ornamenta
altaris comparantur, pauperes item et presertim puellae nuptui tradendae
sublevantur. Regitur per priorem et procuratores duos qui singulo
anno mutantur, eorum institutum est dictos redditus pie disponere: administrationum
rationes dantur a deputatis a confraternitate electis.
[f. 722r] Oratorium sine nomine in aula audientiae rectoris Salodii angustum
nimis habet unicum altare sine reditibus in quo per orbem a cappellanis
parochialis ecclesiae celebratur.
Oratorium Sanctae Catharinae habet altare in quo quandoque celebratur,
ad favorem huius oratorii conventum fuit inter Rainerium Mazzollenum
et capitulum residentiae archipresbyteralis ecclesiae quod, facta cessione
librarum 500 super nonnullis stabilibus residentiae ab ipso Mazzolleno,
capitulum residentiae teneretur ad celebrationem missae singulis festis
diebus in dicto oratorio, sed quia librarum 500 praedictae exigi non potuerunt,
missae non celebrantur.
285