san carlo parte iniziale volume 5 valletrompia.qxd - Brixia Sacra

BRIXIA SACRA
quattuor 1 vel sex annos perficiat et de paramentis et suppellectilibus parochialibus
ecclesiae et sacristiae iuxta instructiones provideat. Curatus in
posterum in erudiendis pueris et aliis in institutione christiana, in ministrandis
sacramentis confratribus et operariis eiusdem institutionis se magis
sollicitum praebeat. Ex fructibus huius parochialis beneficii perpetuo
manuteneatur sacerdos idoneus, qui missas celebret et rectori coadiuvet in
ministratione sacramentorum, ut hactenus consuevisse compertum est in
visitatione. Clericus item in habitu, qui missis et aliis parochialibus officiis
inserviat. Sacerdotes, cappellani etiam titulares intra fines huius parochiae
celebrantes diebus festis solemnibus, sacro missae peracto in eorum ecclesiis,
cappellis, ad praescriptum concilii provincialis conveniant ad ecclesiam
[f. 868v] parochialem et missae conventuali aliisque divinis officiis intersint,
ii autem tantum qui vicini sunt per medium milliaris.
Processiones, quas intra fines huius parochiae fieri contigerit, ne in
posterum fiant sine parochi licentia consensuve. In solemnitate Sanctissimi
Corporis Christi et alias etiam cum sanctissima eucharistia circumfertur,
in altaribus quae in via et plateis parantur ne deponatur sed recto ordine
procedente ad ecclesiam, ad quam defertur, etiam reportetur ea in processione
et in aliis etiam cura sit vicarii foranei ne actiones prae foribus
aedium aut in via contra provincialia decreta repraesentetur, proposita
etiam si opus erit poena interdicti ab ingressu ecclesiae. In hac archipresbiterali
ecclesia ad praescriptum concilii provincialii diebus festis missa parochialis
horis circiter duabus post solis ortum celebretur.
Cappellani autem Sancti Michaelis Deganeae, Sancti Nicolai Sicinae, alii
item diebus festis in eorum oratoriis ecclesiisve intra huius parochia fines
constitutis, nisi peracta missa parochiali in qua concio habetur, celebrent.
Vicarius foraneus pro tempore in hoc vicariatu Tusculani maiorem diligentiam
adhibeat in festorum observatione et contra eorum violatores ad praescriptum
canonum et conciliorum etiam provincialium severe procedat.
Nundinae ne deinceps fiant diebus festis ad praescriptum constitutionum
summorum pontificum et conciliorum provincialium sed illae reyci possint
in die praecedente seu subsequente simili festo non impeditum.
[f. 869r] Tabelliones notariique non construant 2 instrumenta neque
processus fabricent, conficiantve diebus festivis contra praescriptum
sacrorum canonum et concilii provincialis. Cum usu compertum sit in loco
Tusculani et aliis totius Riperiae locis ob olei et piscium commoditatem
80