san carlo parte iniziale volume 5 valletrompia.qxd - Brixia Sacra

VALLE SABBIA
Agnosine, Santi Ippolito e Cassiano
[a. Acta visitationis, ff. 703r-705r
Brescia, XXXIII, ff. 54r-56r
U. VAGLIA, Storia della Valle Sabbia. Documenti, II, Brescia 1970 2 , pp. 169-171]
[b. Decreta particularia, ff. 931v-935r
Brescia, XXV, ff. 7r-9v.; XXXV, ff. 254v-258r]
[a. CHIESA PARROCCHIALE DEI SANTI IPPOLITO E CASSIANO DI AGNOSINE]
[f. 703r] Die suprascripto
Visitavit parochialem ecclesiam Sanctorum Hipoliti et Cassiani loci Agnosini
etc. Consecratam ut dicitur, et in ea Sanctissimum Sacramentum ante
quod lampas tum ex legatis, tum curati expensis assidue lucet. Baptisterium
non ad formam et loco incongruo situm 1 . Altaria quatuor, videlicet
altare maius, altare Rosarii cum schola, altare Sanctissimi Sacramenti cum
schola, et aliud altare indotatum. Sacristiam, coemiterium et domum parochialem
ecclesiae annexam. In fabricam incumbit populus ex contributionibus.
Redditus huius parochialis beneficii sunt ducatorum 100 vel circa.
Titularis est presbyter Stephanus de Giroldis annorum 36: de titulo et
ordinibus legitime docuit, scientia idoneus [f. 703v] in munere suo, bonae
vitae. Clericum non habet, et in suprascriptis aedibus habitat. In visitatione
obligationis instrumento promissit libras 20 planetarum quotannis ex
redditibus praedicti parochialis beneficii contribuere sumptibus quae in
dicta parochiali ecclesia fieri contingerint pro executione decretorum
huius visitationis apostolicae, donec omnia adimpleta fuerint. Item obligavit
se eodem instrumento prestaturum libras quinque quotannis ab anno
1580 usque ad annum 1592 et a dicto anno 1592 usque in perpetuum libras
decem stipendio capellani curati ecclesiae Sanctae Mariae loci Benzaghi, et
se et successores obligavit. Animae sunt 1362, quae sacram comunionem
sumunt 800. Schola Doctrinae christianae frigide exercetur.
Schola Sanctissimi Sacramenti regulas habet sed non comprobatas. Redditus
item annuos librarum 32, ex quibus 22 in celebrationem missarum impenduntur
ex instituto legatorum, cui oneri satisfacit presbyter Angelus de Saviis,
ut infra. Regitur a massario et quattuor sindicis, qui a societate eliguntur.
Eleemosynae annuae sunt librarum 117, ex quibus cerei et ornamenta altaris
229