san carlo parte iniziale volume 5 valletrompia.qxd - Brixia Sacra

BRIXIA SACRA
usum provinciae Mediolanensis edendas et administrationum rationes singulo
anno vicario foraneo, vel cui illae demandarit, referant. Lampas Sanctissimi
Sacramenti assidue ardeat expensis scholae Sanctissimi Sacramenti,
quae etiam legata dictae lampadi facta exigat.
Curatus quotidie, ut alias ob solutionem quarantularum per eum cum
populo conventum est, iusto cessante impedimento celebret et ratione
curae celebrans cereis, cruce, calice, missali propriis utatur. Cum animae
huic curae subiectae sint numero 1200 vel circa, quibus difficile quidem per
unicum curatum et sacerdotem sacramenta ministrari possint ex fructibus
huius [f. 939v] beneficii pro medietate et pro alia medietate a populo provideatur
de stipendio congruo sacerdoti idoneo, qui missas celebret et rectori
in sacramentorum administratione coadiuvet. Clericus, qui idoneus sit
in habitu decenti, qui missis et officiis parochialibus inserviat ex fructibus
huius beneficii a curato sustineatur. Curatus quoties a cura etiam legitime
abesse contigerit, de idoneo sacerdote provideat, qui eius vice missas celebret
et sacramenta item ministrare possit. Idem curatus in erudiendis pueris
et aliis in doctrina christiana, in visitatione infirmorum et pauperum
magis sollicitum se praebeat.
Abusus in funeribus deferendi palam pecunias cereis infixas, quae ratione
eleemosynae, in hisce funeribus sacerdotibus et clericis dantur, omnino
tollatur sub poena clericis et sacerdotibus suspensionis per sex menses a
funeralibus et aliis poenis arbitrio reverendissimi episcopi.
Compertum est in huius loci visitatione, quod sponsalibus tantum clandestinis
contractis absque matrimonii celebratione sponsi ad eorum domos
sponsas traducunt, seu libere in ipsarum aedibus, simul affectu maritali
habitant et uti uxores et mariti versantur, qua de re frequentius accidit quod
recedentes a promissis, quae aliquando praestari non possunt, matrimonia
inire recusant, cum maximo Christi fidelium scandalo, nec non ipsae virgines
delusae [f. 940r] ac corruptae remanent. Quam ob rem curet parochus
ut sponsalibus peractis matrimonia statim celebrentur, ubi vero ex defectu
aetatis, seu alio canonico impedimento, eodem tempore contrahi non possunt,
ne liceat ipsis simul habitare seu in eadem domo pernoctare, sub poena
interdicti ab ecclesia et aliis arbitrio reverendissimi ordinarii, qui severe
procedat contra praedictos ad praescriptum concilii Tridentini.
Infrascripti omnes et singuli, si in posterum contra formam praecepti illis
facti in actis visitationis ut infra in aliquo contravenerint, poenis in praeceptis
248