san carlo parte iniziale volume 5 valletrompia.qxd - Brixia Sacra

BRIXIA SACRA
lis quarti. Quicquid ex huiusmodi causis retinendum vel restituendum erit
aut solvendum cura diligenti vicarii foranei deponatur apud massarium
praefectosve ecclesiae nisi alium episcopus constituerit et in fine anni erogetur
aut in celebrationem totidem missarum per alium sacerdotem, aut si
opus erit, in ornatum cappellarum, altariumve in quibus celebrari debebat
aut etiam arbitrio reverendissimi ordinarii alii pro ecclesiae usui applicentur.
Antequam celebraturus sacerdos exeat e sacristia, a clerico accendantur
lumina, urceoli cum vino et aqua in pelviculo super altari ponantur atque
intortitia pro elevatione Sanctissimi Sacramenti preparentur.
Vicarius foraneus videat ne ullo quovis etiam magistratuum intuitu aut
praetextu ulla missa tardius celebretur quam per sacros canones liceat neve
in altari sacerdos in mora sit alicuius gratia, aliave aliena vel indigna suo
munere agat praestetve contra praescriptum conciliorum provincialium.
Cappellanus titularis unusquisque camiscia, amictus, manutergia, purificatoria,
corporalia et alia huiusmodi quae [f. 963r] maiorem etiam nitorem et
munditiam requirant, quo propius Sanctissimo Sacramento accedunt in
servitio missarum, ad propria altaria fieri curabunt atque nitida et munda
separatim custodiant.
In Residentia clericorum
Ad ressidentiam per dominum Alexandrum Rociam institutam percipiendam
non admittantur, qui aliunde habent ex reditibus ecclesiasticis piisve
relictis victum sufficientem aut habent qui praestare debent ut clericus archipresbiteralis
et clericus Sancti Michaelis, qui prima tonsura initiati non sint,
qui vita moribus et spe profectus studiorum ab archipresbitero ante probati
non sint ex instituto eiusdem residentiae fundationis. Admissi vero habitum
clericalem semper deferant, officium Beatae Virginis Mariae privatim dicant
quotidie, diebus vero festis in choro ecclesiae archipresbiteralis conveniant
eique in missis et vesperis inserviant in processionibus item generalibus. In
sabbatis hora constituta ad altare Rosarii antiphona de Beatissima Virgine
Maria cantent. Exercitationibus scholarum Doctrinae christianae incumbant.
Reditus et proventus huic collegio per suprascriptum [f. 963v] Rociam
relicti cum interventu archipresbyteri et praefecti clericorum huius loci pro
ratione laboris et observatione praedictorum illis distribuantur.
Curent vero praeterea ascribi in schola clericali Beatae Virginis Mariae ad
idem altare erecta ab illustrissimo visitatore cum regularum observatione,
308