san carlo parte iniziale volume 5 valletrompia.qxd - Brixia Sacra

DECRETI AGGIUNTI
tum fideliter insumatur. Andreas et Baptista et magister Marcus de Carissimis
aromatarius ac alii de Ianuariis nec non ceteri omnes qui ex legato quondam
Marci de Ianuariis rogato per *** tenentur oneri quotidiane missae in
ecclesia Sancti Rochi Gabiani, eidem oneri anno proxime sequenti omnino
satisfaciant alioqui sacramentorum perceptio illis interdicatur ad prescriptum
conciliorum 1 et iam provincialium aliisque praeterea poenis et censuris
a reverendissimo episcopo ad satisfactionem compellantur. Ne cui sacerdoti
in posterum aliquod missarum onus in hac ecclesia ex legatis vel ex cappellis
suscipere liceat, nisi facultate prius eaque scripto exarata a reverendissimo
episcopo impetrata poena suspensionis contrafacienti proposita.
1
Corretto da consilium.
ORZINUOVI, SANTA MARIA ASSUNTA
[Decreta particularia, II, ff. 998r-999r
Brescia, XXXIV, q. 5, ff. 43r-44r]
[Visita apostolica, III, pp. 497-511]
[f. 998r] In ecclesia Sanctae Mariae collegiata et parochiali
Urceorum Novorum
Candellae et cerei ad divina omnia, ut decretum est, celebranda inde subministrentur,
unde nuper cum illorum tantum pars celebraretur prestari
consueverant. Ignis hyemis tempore in sacristia haberi solitus deinceps
etiam impensis eorum, quorum id oneris antea fuit sustineatur. [f. 998v]
Praedicator divini verbi in hac ecclesia adventus et quadragesimae tempore
nisi munus huiusmodi archipresbiter ipse iis etiam diebus obire maluerit
omnino conducatur impensis illorum qui annis praeteritis harum impensarum
onera subire consueverunt. Reverendus ordinarius omnibus iuris
remediis cogat presbiterum Baptistam de Archis cappellanias duas obtinentem,
alteram Sancti Marci cum onere missarum sex, alteram vero Sanctae
Catharinae missarum quattuor singulis hebdomadis hac in ecclesia
respective celebrandarum pro ratione intermissi muneris fructus restituere
atque ex illis alteram omnino dimittere nisi intra duos menses legitimam de
ambabus sub eodem tecto retinendis dispensationem unionemve ostenderit,
quibus in futurum integre satisfaciendum curet.
365