san carlo parte iniziale volume 5 valletrompia.qxd - Brixia Sacra

RIVIERA DEL GARDA
iudicio vicarii foranei averteretur et subter fugeret, cappellanus illis ipsis
diebus festis in archipresbiterali ut antea consuevit, celebret.
Cum vicini huius ecclesiae qui sunt numero trecentum vel circa ob
locorum distantiam et montium asperitatem non sine magno incommodo
ad sacramenta percipienda et divina audienda in ecclesia parochiali Maderni
accedere possint ex fructibus dicti parochialis beneficii, cum primum
unio cappellaniae Sanctorum Faustini et Iovitae eidem parochiali facta per
illustrissimum visitatorem secuta fuerit, sacerdos idoneus perpetuo sustineatur,
qui in suprascripta ecclesia Sanctorum Faustini et Iovitae resideat,
missas celebret et sacramenta ministret et interim archipresbiter, prout
totidem vel paulo minus iam praestare consueverat, ducatos triginta computatis
legatis eidem ecclesiae factis contribuat singulo anno sacerdoti, qui
praevio examine approbatus sacramentum poenitentiae etiam ministrare
possit et si quid deinceps sacerdotis stipendio deerit a populo suppleatur.
[f. 880r] In ecclesia Sancti Petri martyris fratrum Servorum Maderni
Altaris Sancti Ioseph fenestra vitreis muniatur, de cruce et candelabris provideatur
infra quindecim dies. Altare Sancti Nicolaii de Tolentino tollatur
et eius onera et emolumenta ad altare infrascriptum Sancti Petri martyris
iam nunc transferuntur. Altare Sancti Petri martyris erectum per illos de
Archeriis provideatur de candelabris aeneis infra quindecim dies et sepiatur
a tribus partibus, ornetur et integumentum habeat infra duos menses nec
ante in eo celebretur.
In sacristia fiat oratorium et lavatorium ac provideatur de corporalibus
et eorum sacculis, de paramento rubei coloris item. Fenestra clathris ferreis
muniatur et vitreis. Ne ullae in hac ecclesia bradellae collocentur nisi communes
et simplices ad formam instructionum et episcopi concessu, quod si
secus factum fuerit ecclesia interdicta censeatur donec illae remotae fuerint.
Schola Sancti Ioseph quae cum non docuerit de eius legitima erectione,
erecta est iam nunc ab illustrissimo visitatore, servet regulas ad usum
communem provinciae Mediolanensis edendas. Archipresbyter libros visitet
et administrationum rationibus receptis in singulos annos subscribat.
In oratorio Sancti Martini campestre
Petra sacrata ad formam comparetur. [f. 880v] Altare ornetur et claudatur
cancellis saltem ligneis infra sex menses. Fenestra fiat in nicia propinquiori
101