san carlo parte iniziale volume 5 valletrompia.qxd - Brixia Sacra

BRIXIA SACRA
Sacramenti [f. 684v] qui ab eodem massario Sanctissimi Sacramenti eleemosynas,
si quae fiunt, impendi promittunt cum curati consensu in ornatum
et missas in dicto altari Rosarii.
Oratorium campestre Sancti Rochi a parte anteriori apertum, septum
tamen cancellis ligneis. Habet unicum altare sine redditibus in quo quandoque
ex devotione populi celebratur.
Oratorium campestre Sanctae Mariae, parvum, habet unicum altare sine
redditibus.
[b.] [f. 898r] In ecclesia parochiali Sancti Ioannis Baptistae loci Hani
Tabernaculum aliud ligneum fiat magis decens. [f. 898v] Baptisterium aliud
tertiae formae cum ciborio congruo ad formam instructionum termino sex
mensium comparetur, claudatur et integumentum habeat. Vas autem in
quo nunc aqua baptismalis asservatur, usui esse poterit pro aqua benedicta
in hac vel alia ecclesia. Altare maius de petra sacrata provideatur. Bradella
dilatetur et sub eadem gradus lapideus congruam latitudinem habeat et
altitudinem. Fenestra a parte evangelii vitreis muniatur. In fenestella a parte
evangelii oleum infirmorum asservetur, sublato tamen signo Sanctissimi
Sacramenti. Cappella clathris ferreis claudatur in ingressu infra sex menses.
Altare Sancti Antonii ornetur, et eius bradellae gradus lapideus supponatur
latitudinis cubitorum duorum et super eodem gradu claudatur infra
tres menses. Bradella superior dilatetur ad longitudinem altaris infra octo
dies. Fenestella super arcu cappellae maioris obturetur. Altare Sancti Rochi
ad formam reducatur, claudatur, integumentum habeat, et pingatur de cruceque
provideatur. Praeterea eadem de gradu lapideo et septo serventur,
quae altari Sancti Antonii praescripta sunt.
[f. 899r] Altare Rosarii tollatur, et schola et emolumenta ad altare Sancti
Antonii iam nunc transferuntur. Confessionale quod est in cappella maiori
ad formam reducatur et in patentiori ecclesiae loco collocetur et aliud ad for-
146