san carlo parte iniziale volume 5 valletrompia.qxd - Brixia Sacra

DECRETI AGGIUNTI
idemque reverendissimus dominus eundem Bosium et bona relaxare et
fructus indebite perceptos restituere summarie etiam auctoritate huius
decreti cogat compellatque. Idem reverendus Bosius litteras pensionis,
quae sibi super redditibus huius parochiae reservata praetendit, reverendissimo
ordinario exhibeat et donec eas non exhibuerit pensionem minime
consequatur, verum curatus illam sequestri nomine penes se retineat.
1
tempus cassato.
GUSSAGO, ASSUNZIONE DI MARIA
[Decreta particularia, II, ff. 1037r-v
Brescia, XXX, q. 19, ff. (8-9)]
[Visita apostolica, V, pp. 37-43]
[f. 1037r] In ecclesia Beatae Virginis Mariae sub titulo Assumptionis
loci Gusaghi prepositura nuncupata
Baptisterium locetur in cappella quae est in ingressu ecclesiae septentrionem
versus, amoto penitus altari intra triduum. Construatur cappella loco
illius baptisterii, quae respondeat cappellae Corporis Christi orientem versus
ad formam instructionum et clathra ferrea sepiatur impensis communitatis,
ad quam transfertur onus a coadiutores 1 . Ecclesia dealbetur et imagines
pulchrae et immundae expurgentur impensis communitatis. Ostium
per quod est aditus ad aedes parochiales muro claudatur et aperiatur alterum
ostium in ingressu cappellae maioris ad usum sacristiae. Pavimentum
duorum altarium, quae tolli decretum est, aequetur ita ut a pavimento
ecclesiae non emineat. Sacristia construatur ad formam cum oratorio et
lavatorio et in ea fiat armarium pro asservandis paramentis ad formam
instructionum.
Coadiutores habeant paramenta varii coloris pro ratione temporis iuxta
ritum ecclesiae ad ornatum suorum altarium et ad usum celebrandi missas.
Item confratriae habeant paramenta varii coloris pro ratione temporis iuxta
ritum ecclesiae ad ornatum altarium suorum oratoriurum 2 ad usum celebrandi
missas. Provideat praepositus de paramentis quae ad usum parochialis
ecclesiae ex praescripto instructionum necessaria sunt. Pixis altera
sit maior ad usum communionis generalis impensis societatis Corporis
425