san carlo parte iniziale volume 5 valletrompia.qxd - Brixia Sacra

BRIXIA SACRA
tur cui lectioni donec aliter provisum sit incumbet presbiter Cominus
prout illustrissimo visitatori pollicitus est. Congregationes etiam de casibus
conscientiae frequentiores sint quare ultra capitula spiritualia a capitulo
in hebdomanda semel celebranda convenient ad sacras lectiones bis saltem
singula hebdomada. Sacerdotes et alii ecclesiastici ordinis, qui iudicio
vicarii foranei idonei erunt coram archipresbitero et praefecto studiorum
quaestiones de casibus coscientiae tractent explicentque.
Ecclesiastici omnes huius loci, abstineant a laicali conversatione et secularibus
negotiis vetitis, praesertimi illis in concilio primo provinciali interdictis.
Deligantur ab episcopo aliquot probatissimi sacerdotes ad aliorum
sacerdotum et clericorum confessiones audiendas, quibus exhibeant singuli
fidem frequentis confessionis ad praescriptum conciliorum 13 . Cum in
hoc hoppido sit numerus clericorum inferiorum, a reverendissimo episcopo
deligatur sacerdos vitae integritate et scientia probatus, qui eos ad se
saepe convocet progressionesque eorum [f. 964v] in literis et vita spirituali
intelligat et vitae ecclesiasticae moribus instruere studeat.
Hic autem praefectus erit potissimum societati Beatae Virginis Mariae
in clericis instituendis tempore visitationis ab illustrissimo domino visitatore
erectae.
Pro cura animarum
Archipresbyter pro temporibus ecclesiae loci Salodii propriis expensis
habeat semper coadiutorem qui ab ordinario approbatus possit animarum
curam exercere, qui non sit ex cappellanis chori vel residentiae, non aliis oneribus
etiam missarum in hac vel alia ecclesia impeditus, sed sacerdotem alium
ab huiusmodi obligationibus praestandis penitus liberum conducat, cui quidem
coadiutori nullum sit ius deinceps dum in eo officio perseverat de residentiae
redditibus quicquam capere. Hoc autem munus exequatur archipresbiter
qui nunc est intra duos menses sub poena scutorum centum auri solvendorum
in manibus praefectorum ecclesiae ex quibus curabunt illi apud
reverendissimum episcopum provideri quam primum de idoneo coadiutore.
Animarum vero curae nihilominus assidue incumbat et invigilet etiam
per se ipsum quantum potest. In die purificationis Beatae Virginis Mariae
ne a clericis aliisve personis candelae per ecclesiam viris vel mulieribus
distribuantur sed laici ipsi, quicumque sint, reverenter ut decet accedant
genuflexi de manibus sacerdotis eas accipiant, hoc idem praestent mulieres
310