san carlo parte iniziale volume 5 valletrompia.qxd - Brixia Sacra

RIVIERA DEL GARDA
hominibus villarum Mardini 2 et Strinae quorundam bonorum stabilium cum
onere dandi medios redditus sacerdoti qui quotidie in suprascripta ecclesia
celebret et distribuendi alios medios fructus in pane et fabis pauperibus communis
Maderni, quae distributio indistincte fit tam divitibus quam pauperibus.
Redditus annui dicti legati sunt librae 115 planetarum. Vicini huius ecclesiae
sunt numero circiter 300, qui a parochiali Maderni spatio milliaris et dimidii
distant et difficile ad sacramenta [f. 674v] percipienda in parochiali Maderni
accedere possunt. Dicitur adesse quodam legatum Pasqueti Rigatini, quo
dotatum fuit altare Sanctae Mariae, sed habere non potuit.
Schola Sanctissimi Sacramenti et Beatae Virginis Mariae erecta, ut publico
documento constat. Habet regulas, sed non comprobatas. Regitur per
duos massarios et duos syndicos, qui singulo anno mutantur. Nulli sunt
redditus, eleemosynae in ornatibus altaris expenduntur. Administrationum
rationes coram archipresbytero dantur.
Ecclesia Sancti Petri Martyris fratrum Servorum
Consecrata creditur. Habet quatuor altaria et sacristiam. In dicta ecclesia
schola Sancti Iosef, de cuius erectione non constat, regulas comprobatas non
habet, nec redditus, sed eleemosynas tantum quae in libro describuntur.
Monasterium dictorum fratrum habet redditus annuos aureorum 50 vel
circa. In eo de familia nunc habitant duo sacerdotes et duo conversi.
Oratorium Sancti Martini in vertice montis
Antiquum, non consecratum. Habet unicum altare, nullos redditus, praeter
quod dicitur per quendam de Campuvariis de Fornico relicta fuisse
nonnulla bona ut eorum redditus sacerdotibus celebrantibus in hoc oratorio
die sancti Martini darentur, quod tamen executionem non habet. [f.
675r] Oratorium suprascriptum habet domum annexam.
Oratorium Sancti Urbani in montibus
Habet unicum altare. Nullos redditus. In eo tamen celebratur ex devotione
communis Maderni ultima die cuiuslibet mensis et in festo Sancti Urbani.
Oratorium Sancti Michaellis de Sur ***. Non consecratum. Habet unicum
altare nullos redditus. In eo tamen ex devotione quandoque celebratur.
1
Nota a margine sinistro Visitavit etiam ipse illustrissimus Cardinalis visitator.
2
Così nel testo, sta per Maderni.
93