san carlo parte iniziale volume 5 valletrompia.qxd - Brixia Sacra

BRIXIA SACRA
coadiutoris curae quo fungitur idoneus, qui residet et in suprascriptis aedibus
habitat. Animae 2400, qui sacram eucharestiam sumunt 1500.
In hac Riperia [f. 667r] Tusculani ex antiqua consuetudine diebus quadragesimae,
quatuor temporum et aliis vigiliis butira, laticinia et alii eo tempore
vetiti cibi non permittuntur ob comoditatem piscium et olei, in eis festorum
violatio viget in mercatibus et instrumentis conficiendis precipue. Capellani
in hac parochia degentes celebrant ante missam parochialem diebus festis, et
non intersunt missae et aliis officiis, quae in hac ecclesia diebus festis cantantur.
Processiones obeunt populus sine licentia curati. Schola Doctrinae
christianae frigide exercetur, sororibus eiusdem scholae sacramenta paenitentiae
et eucharestiae petentibus qua decet diligentia non ministrantur.
Fabrica ecclesiae nullos redditus habet, sed a reverendissimo Bollano
episcopo brixiensi dictae fabricae assignati fuerunt annui census ad annos
duodecim, quos ipse nomine episcopatus ex dicto parrochiali beneficio
reservato, ut supra, percipere poterat, et homines et commune loci Tusculani,
stante dicta assignatione, se obligarunt ad construendam ecclesiam
iuxta delineatam formam a dicto reverendissimo Bollano traditam, cuius
morte superveniente nihil actum est hucusque, cum modernus episcopus
et successor assignationi ut supra factae hactenus non consenserit.
Schola Sanctissimi Sacramenti, de cuius erectione non constat, regulas
comprobatas non habet. Regitur per administratores, qui singulis annis [f.
667v] mutantur. In ea adest redditus annuus librarum 20 planetarum quae, una
cum eleemosynis in cereos, celebrationem missarum et ornatum altaris impenduntur,
quarum rationes singulis annis rectori inferuntur 2 , qui subscribit.
Schola Rosarii. De cuius erectione non constat. Regulam non habet
neque reddditum. Regitur per officiales qui singulis annis mutantur. Eleemosynae
in celebrationem missarum et ornamenta altaris impertiuntur.
Administrationum rationes singulis annis vicario foraneo redduntur.
Oratorium Sanctae Mariae de Benaco
In capite coemiterii parochialis praedictae constructum, et pulchrum.
Habet quotuor altaria, videlicet altare Beatae Virginis Mariae quod, licet
redditus non habeat, est tamen maximae devotionis. Quare oblationes et
eleemosynae quandoque eidem fiunt, quarum curam habet massarius, et in
eo ex devotione saepius celebratur. Altare Pietatis 3 est schola Corporis
Domini, quae ter in hebdomada in eodem celebrare facit per presbyterum
74