san carlo parte iniziale volume 5 valletrompia.qxd - Brixia Sacra

RIVIERA DEL GARDA
vigiliis et quattuor temporibus laticinia, butira et alios eo tempore vetitos
cibos non permitti, curet ordinarius et per vicarios foraneos ne hoc sanctissimum
istitutum ecclesiae praeceptumve contraria consuetudine usuve
tollatur, praetextu etiam generalis consuetudinis huius diocesis totiusve
provinciae Mediolanensis, sed in posterum illi qui eo tempore cibis praedictis
[f. 878r] vesci audebunt paenis ad praescriptum sacrorum canonum
reprimantur nec praedicta illis diebus vendi permittatur sub poena etiam
interdicti ab ingressu ecclesiae et aliis arbitrio reverendissimi ordinarii.
Ad tollendas abusus et discensiones graves quidem, quae ex quadam eleemosinarum
partitione, non sine pauperum damno et distribuentium peccato
ortae sunt, eleemosynae ex legatis Bartholomaei de Presegno et alterius
Bartholomei quondam ser Antonii Regatini in visitatione visis nisi pauperibus
loci Maderni erogandae, item illa eleemosina quae ex legato Catherinae
Chiapinae pauperibus Montis Maderni debetur non indistincte, tam divitibus
quam pauperibus per capita, commune et deputati suprascriptorum
locorum distribuant sub poena scutorum vigintiquinque et excommunicationis
in subsidium singulis distribuentibus, interdicti vero ipsi communitati,
sed in ea 7 distributione adhibito iudicio et testimonio archipresbiteri et
piorum hominum per communitatem deputatorum, qui a reverendissimo
episcopo approbati sint, vere pauperibus eleemosinae illae erogentur.
In hospitali Maderni
Commune et homines Maderni, qui curam habent huius hospitalis, redditus
et proventus eiusdem augere studeant quibus antiquum hospitalis institutum
retineri possit; ubi residuum ducatorum 70 huic hospitali per presbiterum
Iacobum Daviticum relictorum exegerint sine legitima dispensatione,
eas pecunias in alium pietatis usum in hospitali non convertant quam
in quem legantis pia mens disponerit, si quid vero separationis vel restaurationis
hospitalis domus eligere videatur, a communitate fiat 8 .
[f. 878v] In Monte pietatis Maderni
Deputati huius Montis, qui certam erectionem non habent, procurent legitimam
erectionem et approbationem regulae eiusdem Montis a reverendissimo
episcopo. In posterum ne minimum quidem ultra sortem pro mutuo
accipiant sine Sedis apostolicae facultate sub poena excommunicationis et
de eo quod ultra sortem iam acceperunt a Sede apostolica liberationem
99