san carlo parte iniziale volume 5 valletrompia.qxd - Brixia Sacra

VALLE SABBIA
gestatorio ad formam infra tres menses. [f. 909v] De baldachino et de duabus
item laternis. Baptisterium ad tertiam formam instructionum cum congruo
ciborio comparetur, ornetur, sepiatur et integumentum habeat ad formam
intra menses tres, et a sinixtra ad introitum portae maioris statuatur.
Altare maius et bradella ad formam reducantur. Pingatur cappella et
sedilia lignea fiant. Fenestris vitreae adhibeantur intra tres menses. Cappella
clathris ferreis sub trabe crucifixi infra sex menses claudatur.
Altare Corporis Domini provideatur de petra sacrata. Gradus super
altare pingantur et ornentur. Altare integumentum habeat. Bradellae supponatur
gradus lapideus, qui a bradella distet cubitis duobus, et super eum
septum ferreum ad formam statuatur intra sex menses 1 . Eadem, quae altari
Corporis Domini praescripta sunt, serventur etiam in altare Sancti Ioannis,
praeterea etiam de cruce provideatur.
Coemiterium perficiatur, et in eo crux erigatur. Imagines Sanctorum
Ioannis et Stephani super portam maiorem ecclesiae pingantur. In sacristia
fiant armarium paramentorum et oratorium. Paramentum item rubei et alterum
albi coloris comparentur. Intra mensem provideatur de corporalibus et
eorum sacculis, de vase pro abluendis purificatoriis. Praeterea comparentur
quamprimum omnia ad usum ecclesiae eiusve sacristiae [f. 910r] quae de
suppellectili parochialis ecclesiae commonstrata sunt in instructionibus.
Curatus cum contributione, quam a populo habere poterit, clericum in habitu
semper habeat, qui eidem missis et aliis parochialibus officiis inserviat.
Schola 2 Sanctissimi Sacramenti, quae cum non docuerit de eius legitima
erectione, erecta est iam nunc ab illustrissimo visitatore; servet regulas ad
usum communem provinciae Mediolanensis editas. Scholares singulo anno
administrationum rationes curato reddant.
In erudiendis pueris, et aliis in Doctrina christiana curatus, adhibitis
secum etiam in hoc munere 3 aliis operariis ad praescriptum regularum
instructionis christianae, se assiduum et sollicitum praebeat. In observatione
dierum festorum maiorem adhibeat diligentiam, et ut eorum violatores ad
praescriptum canonum et conciliorum provincialium puniantur, ad vicarium
foraneum vel ad ordinarium deferat.
1
Aggiunto di seguito.
2
Corretto da Scholares.
3
Segue secum cancellato.
171