san carlo parte iniziale volume 5 valletrompia.qxd - Brixia Sacra

DECRETI AGGIUNTI
bus et aliis poenis reverendissimi ordinarii arbitrio. Presbyter Michael Bertolius
rector Faustinam, eius servam quam modo habet, intra octo dies
omnino a se dimittat neque inposterum aliam sine reverendissimi episcopi
concessu eoque scriptis exarato domi habeat, poena alioquin gravi pro eiusdem
episcopi arbitrio illi proposita.
Oratorium Disciplinatorum cementario opere sub arcu ubi nunc clathra
extant iuxta pilas a praedicto communitatis loco omnino dividatur et
in eius oratorii capite montes versus altare construatur quod clathris saltem
ligneis claudatur ad formam instructionibus traditam. [f. 1045v] Fenestrae
duae fiant a parte laterali. Ianua in altero capite oratorii fiat. Loca duo
superiora pariete intermedio sublato unum tantum locum constituant in
cuius capite altare construatur, qui locus ne deinceps ad prophana sed ad
oratorii privati Disciplinatorum usum sit. Ostium per quod ex superiori
oratorio in locum communitatis aditus patet cementario opere obstruatur
intra quindecim dies. Populus cum ei relinquatur tum superior tum inferior
locus vicissim in impensas oratorii Disciplinatorum usque ad summam
librarum *** conferat.
Quae iam de cappellis scholarum Rosarii et Corporis Christi construendis
constituta sunt, intelligantur quod extra parietem praefatae cappellae promineant
ut altare bradellam spatium congruum pro clerico inserviente et septum
ita contineant ut horum nihil extra murum versus navem ecclesiae extet vel
cappellae in capite navium aedificentur ad praescriptum instructionum.
PRANDAGLIO (VILLANUOVA), [SAN FILASTRIO]
[Decreta particularia, II, ff. 1045v-1046r
Brescia, XXVII, q. 2, f. 17r]
[Visita apostolica, V, pp. 235-237]
[f. 1045v] Prandalium
Presbyter Georgius Bonibellus curatus Prandalii si mensis decembris
proxime sequentis spatio aureos decem fabricae ecclesiae Sanctae Mariae in
arce Buarni non solverit, ad praescriptum obligationis iuramento ab eo
roboratae et praecepti per eum recepti ab administratione sacramentorum
et celebratione missae suspensus sit [f. 1046r] donec integre et vere solverit
de quo reverendissimum episcopum doceat.
437