san carlo parte iniziale volume 5 valletrompia.qxd - Brixia Sacra

SALÒ
Donec oratorium Sancti Rochi aut hospitale lazareti perfectum erit, die
festo illius sancti, quod ex voto multorum huius loci observatur, populus
cum clero solemnem ad illud processionem obeat ibique faciat oblationes,
eleemosinae quae in fabricam eiusdem oratorii convertantur et ad archipresbiteralem
ecclesiam redeantur in eaque ad missam solemnem conveniant et
eleemosinae etiam quae in ea offerentur fabricae supradictae applicentur.
In oratorio in contrata Valenae
Oratorium a parte anteriori versus viam cubitis tribus protrahatur et pariete
claudatur, in quo ostium et super eo fenestra construatur nec in posterum
praeterquam usibus ecclesiasticis pateat. Altare ad formam reducatur
et intra bradellam relicto spatio cubitorum duorum septo decenti claudatur.
Campanile construatur et de campana provideatur intra annum.
[f. 975v] In oratorio Sanctae Mariae prope Salodium
Altare a parte anteriori cancellis ligneis sepiatur bradellaque ad formam construatur.
Fenestrae inferiores ita eleventur ut per eas e via publica introspici
non possit et eis sperae ex tela cerata adhibeantur. In sacristia fiant oratorium
et lavatorium et donec suprascripta adimpleta fuerint in eo ne celebretur.
In ecclesia Sancti Bernardi loci Sernigae
Altare ad formam reducatur, bradella reficiatur et a parte anteriori altare
sepiatur cancellis ligneis saltem intra mensem indecentiaque a tergo altaris
tollantur. Altaria duo lateralia intra biduum tollantur et eorum onera et emolumenta
ad altare maius iam nunc transferuntur. Labrum aquae benedictae ad
formam comparetur. Sperae fenestris saltem ex tela cerata adhibeantur. Tollatur
de ecclesia feretrum. Sacristia et campanile a parte meridionali coepta
perficiantur intra annum. Caemiterium claudatur in ingressu 50 et in eius
medio crux erigatur. Fiat paramentum album. Provideatur de corporalibus et
de eorum sacculis et de purificatoriis et de vasi pro eorum ablutione.
[f. 976r] In ecclesia Sancti Bartholomei in monte supra Salodium
in parochialem nuper erecta
Rector pro tempore ecclesiae Sancti Bartholomei supra Salodium de consensu
archipresbiteri Salodii in parochialem iam in visitatione erectae, cum
unione legatorum Ioannis Antonii Leutingii, Thomae de Pedrinis, Marcoli
323