san carlo parte iniziale volume 5 valletrompia.qxd - Brixia Sacra

BRIXIA SACRA
qua oleum infirmorum asservetur et haec omnia infra tres menses. A manu
sinistra ad introitum portae maioris in navi laterali aquilonari construatur
cappella, quae extra parietem promineat cubitos quinque cum dimidio, fornicato
opere ornetur, pingatur et claudatur infra annum ad formam et in ea
baptisterium collocetur. Ciborium pingatur et armariolum in eo pro asservandis
oleis sacris et cathecumenorum fabricetur, infra mensem.
Altari maiori fiat icona infra annum et infra octos dies a parte posteriori
altaris maioris parieti inhaerentis relinquatur spatium cubiti unius et
unciarum sexdecim, ita ut altare ipsum 1 circuiri possit; sedilia sacerdotum
ab altari removeantur, et propius balaustro in ingressu cappellae construendo
collocentur, quae tamen parietibus haereant. Altitudo ad quam
ante cappellam maiorem et altare Sancti Laurenti per quattuor gradus lapideos
ascenditur, adequetur reliquo pavimento ecclesiae et in ingressu cappellae
maioris tres gradus construantur, in quorum superiori balaustrum
marmoreum lapideumve [f. 856r] statuatur; ante altare vero duo alii gradus
lapidei construantur et super eisdem bradella unius gradus tantum collocetur.
In iis autem omnibus serventur mensura et forma instructionum generalium,
ad quae praestanda, si opus erit, altare aliquantulum deprimatur,
haec eadem de gradibus bradella et balaustro serventur circa cappellam et
altare Sancti Laurenti. Praeterea in ea fiat icona, de paliis, candelabris et
cruce provideatur, quae omnia infra annum prestentur.
Altare Beatae Virginis Mariae transferatur iuxta parietem orientalem e
regione portae in navi aquilonari construendae infra mensem. Claudatur
clathris ferreis super gradu lapideo, qui a bradella unaquaque solum per
cubitum unum et uncias sexdecim distet, ne ecclesiae navem impediat et
haec 2 infra tres menses praestentur. Summarie etiam ex officio per ordinarium
contra communitatem et homines Gargnani 3 agatur, ut fundum ducatis
decem emant et eius redditum expendant in celebrationem tot missarum
4 , quemadmodum tenentur ratione legati Ioannis Beatricis ad altare
suprascriptum Beatae Virginis Mariae.
Altaria Sancti Vincentii et Sancti Antonii infra tres dies tollantur, quod
si in navi aquilonari, ubi nunc sunt suprascripta altaria, aliqui pro tempore
altaria alia construere vellent, cappellam extra parietem praeminentem ad
mensuram in instructionibus traditam construi faciant quae in latitudine
intercolumnio ecclesiae corrispondeat, fornixque pingatur [f. 856v] et
ornetur ad formam et in ingressu clathris ferreis sepiatur super gradu lapi-
50