san carlo parte iniziale volume 5 valletrompia.qxd - Brixia Sacra

VALLE SABBIA
gumentum habeat infra annum, vas autem in quo nunc aqua baptismalis
asservatur usui esse poterit huic vel alteri ecclesiae pro aqua benedicta. De
scatula et vase oleorum sacrorum ad formam provideatur infra mensem.
Altare maius a parte posteriori muro impleatur. Iconae pictura propter
humiditatem infecta et collapsa reficiatur. Cappella maior pingatur et in
ingressu ad formam praescriptam sepiatur infra sex menses. Altare Sancti
Antonii tollatur infra tres dies et eius onera et emolumenta iam nunc ad
altare Corporis Christi transferuntur. Altare Corporis Domini ad formam
reducatur, bradella reficiatur a parte anteriori et claudatur ad formam.
Fenestrae rotundae super portam maiorem vitreae apponantur. Extra
septum coemiterii ab oriente excaventur foveae et conductas divertentes
aquas a montibus defluentes ne hanc ecclesiam tempore pluviarum innundent.
Apponantur canalia tectis cappellae maioris, quae pluviam procul a
parietibus dictae cappellae exportent. Septum coemiterii elevetur et eius
ingressus claudatur, in eiusque medio [f. 895r] crux collocetur infra mensem.
Super portam maiorem imago Sancti Martini pingatur. A parte evangelii
ubi alias erat sacristia, campanile construatur infra annum.
In sacristia fiant oratorium et lavatorium infra duos menses. De corporalibus
et eorum bursis, purificatoriis, et vase pro eis abluendis infra mensem
provideatur. Fiat palium albi coloris pro altari infra quattuor menses.
Sacristiae fenestella vitrea muniatur. Praeterea omnia quam primum poterit
comparentur ad usum huius ecclesiae, quae de suppellectili parochialis
ecclesiae eiusque sacristiae in instructionibus generalibus commonstrata
sunt. Domus parochialis aptetur infra annum. Populus omni studio incumbat
omnibus his reparationibus et ornamentis providendis suae ecclesiae et
initium faciat 1 a magis necessariis.
Homines dicti loci agant, aut ex offitio etiam summarie procedatur per
ordinarium contra haeredes Iacobi Gasparini, pro relaxatione usufructus
petiae illius terrae vineatae arrativae et prativae insimul pro missarum celebratione
in altari Sancti Antonii ut patet per legatum [f. 895v] attento quod
celebrare faciunt ad ratam usufructus dictae petiae terrae prativae tantum.
Clericum in habitu, qui missis et aliis officiis parochialibus inserviat populus
per contributionem manuteneat.
Schola Sanctissimi Sacramenti, quae cum non docuerit de eius legitima
erectione, erecta est iam nunc ab illustrissimo visitatore, servet regulas ad
usum provinciae Mediolanensis edendas. Scholares singulo anno vicario
137