san carlo parte iniziale volume 5 valletrompia.qxd - Brixia Sacra

RIVIERA DEL GARDA
deo, qui quidem gradus in ecclesia non promineat sed per rectam lineam
parieti ecclesiae adequetur et ea in cappella altare ad formam construatur et
de necessariis provideatur.
Altare Sancti Ioannis Baptistae ad parietem, qui ab eius tergo est, transferatur
intra octo dies, ornetur et de paliis aliisque necessariis provideatur
et in ingressu ad formam sepiatur infra sex menses et omnia item haec serventur
ad altare Sanctae Catharinae. Omnes sepolturae, praterquam illae
quae ob vicinitatem cum altaribus ad praescriptum concilii provincialis tollenda
sunt, ad formam accomodentur et earum os duplicato lapide cooperiatur,
ne malus odor inde proveniat idque impensis patronorum infra tres
menses, aliter in eis nemo in posterum sepeliatur 5 , quinimo humo impleantur
et pavimento obstruantur. Adequetur pavimentum ecclesiae a parte
navis septentrionalis. Muro obturetur porta lateralis meridionalis et in facie
ecclesiae, unicuique navi minori fiat porta. Insignia archipresbytero de porta
maiori tollantur et ibidem imago Beatae Virginis Mariae exprimatur.
Oratorium, quod est in coemiterio, ornetur et claudatur, et in eo exerceri
poterit institutio christiana foeminarum. Caemiterium purgetur a
vepribus et arboribus et adaequetur eius solum infra octo dies nec ante in
eo sepeliatur et in eo porta construatur, [f. 857r] quae recta corrispondeat
portae maiori ecclesiae et aliae muro obturentur. Sacristia decenti a parte
meridionali cum fenestris, quae ad occidentem respiciant, ubi nunc est parva
sacristia infra duos annos, ut in visitatione promisit, archipresbyter construat
et in ea oratorium et lavatorium ac armarium ad formam fiant. Provideatur
de paramento rubeo serico, de albo item, de vellis et de sacculis
corporalium iuxta diversitatem colorum infra annum, praeterea de reliqua
supellectili, quae usui parochialis ecclesiae et sacristiae ex instructionibus
generalibus praescripta est.
Intra murum caemiterii a parte meridionali fiat via, qua iri possit in
domum archipresbyteri cum equis et plaustris et eius transitus fiat per cappellam
oratorii in dicto 6 caemiterio sitam, ubi nunc est altare latitudinis
convenientis, ut puta cubitorum octo vel circa, et via haec muro separetur
a caemiterio, qui incipiat ab angulo transitus, qui lineam fiat et tendat versus
latrinas domus eiusdem et inde vertatur usque ad archipresbiteralem
ecclesiam, ubi est porta dictae domus. Haec via effodiatur et ossa, quae in
ea invenientur, in caemiterio sepelientur et cum haec facta fuerint illustrissimus
visitator ipsum spatium iam nunc prophanat et prophanatum esse
51