san carlo parte iniziale volume 5 valletrompia.qxd - Brixia Sacra

RIVIERA DEL GARDA
amovibilis habitat, cui vicini singulis annis libras centum planetarum contribuunt
pro celebratione missae quotidianae. Capellanus nunc est presbyter
Andreas de Grandis annorum 70, qui de ordinibus docuit legitime sed
nil omnino intelligit. Bene [f. 662r] audit in populo. Habitat in suprascriptis
aedibus sacerdotalibus. Vicinorum animae dictae ecclesiae sunt 350,
quae a parochiali ecclesia Gargnani septem miliaribus distant, et iter montuosum
et difficile praesertim hiemis tempore. Quare in spiritualibus et in
his quae ad animarum curam pertinent maxime patiuntur.
Ecclesia Sancti Antonii de Saxo
Consecrata, ut creditur, habet tria altaria, videlicet altare maius, altare Beatae
Virginis Mariae cum schola ut infra, aliud indotatum, sacristiam parvam, coemiterium
parietibus septum et domum in qua cappellanus habitat; redditus
annuos ducatorum 25 per varios incolas dicti loci relictos communitati, ut
dicitur, cum onere et iure eligendi capellanum, qui quotidie celebret. Cappellanus
amovibilis nunc est presbyter Bartholomeus Bontempus a dicta
communitate electus, et ab ordinario confirmatus, qui de ordinibus legitime
docuit; legit, sed non intelligit. Male audit in populo; nam diffamatus et delatus
de conversatione cum esulibus, de ludo, de incontinentia et concubinatu,
de quibus confectus est processus, et in suprascripta domo habitat.
Vicinorum animae sunt 200 vel circa, a curata ecclesia distant spatio miliaris
unius cum dimidio, et non sine incommodo in parochiali ecclesia Gargnani
ad percipienda sacramenta accedere possunt, quia iter montuosum et asperum
est.
[f. 662v] Schola Rosarii
De eius erectione non constat. Non habet regulas neque redditus, sed eleemosynas
quae in ornatus ecclesiae impenduntur, et administrationum rationes
novis sindicis redduntur singulis annis.
Ecclesia Sancte Mariae loci Musloni
Non consecrata. Habet tria altaria, videlicet altare maius, et alia duo indotata.
Domum dictae ecclesiae annexam, in qua cappellanus habitat, cui vicini
pro celebratione missae quotidianae solvunt ducatos triginta in annum.
Cappellanus amovibilis nunc est presbyter Bernardinus Meliorata annorum
55, qui de ordinibus legittime docuit, scientia tolerabilis in audiendis
47