san carlo parte iniziale volume 5 valletrompia.qxd - Brixia Sacra

BRIXIA SACRA
ecclesia non celebretur donec sublata erunt et eorum onera et emolumenta
iam nunc ad altare maius transferuntur. Per ordinarium summarie agatur
contra illos de Monslicensibus ut legatis [f. 875r] missarum satisfaciant
quas in altare Sanctorum Catherinae et Bernardini celebrari facere tenentur.
Altare quod dicitur Sanctissimi Sacramenti intra cappellam transferatur
ita ut altare, bradella et clericus ministrans intra clathra in principio cappellae
construendae commode manere possint, quod spatium cubitorum
quinque cum dimidio satis erit. Cappella Sancti Laurentii amplietur ad formam
intra curtem domus archipresbiteralis per patronos dictae cappellae
infra duos menses, quod si in dicto termino non adimpleverint vel saltem
fideiussione non promiserint adimplendi infra aliquod breve tempus, aliis,
qui eam construere velint, assignetur.
Dominus Maximus Grotus aliud altare in spatio sequenti inter pilastratas,
cum cappella quae extra parietem in domo archipresbiterali, sublata
schala, proemineat ad formam similem cappellae Sancti Laurentii construi
faciat, ornet et claudat. Praeterea de cruce, candelabris, mappis, paliis et
aliis indumentis necessariis provideat, constituatque annuum redditum pro
celebratione missae in duobus diebus festivis de praecepto cuiuslibet mensis,
ut illustrissimo visitatori in actis visitationis obligando se promisit. In
facie ecclesiae fiant duae aliae ianuae in capite navium lateralium [f. 875v]
et super eas fiant fenestrae et ante portam maiorem fiat vestibulum infra
sex menses.
Sepulturae omnes termino duorum mensium cum duobus operculus
petrae solidae aptentur ad formam ne fetorem emittant a patronis sepulturarum,
quibus elapsis, si non paruerint, terra repleantur. Labium aquae
benedictae et confessionalia duo fiant ad formam infra mensem. Ne in
posterum bradellae quovis nomine, etiam a communitate aut eius praeceptis
umquam in ecclesia collocentur, sed ex episcopi concessione constitui
poterunt aliquae, quae iure sint omnino communes et simplices et in omnibus
ad formam praescriptam in instructionibus generalibus, quod si secus
factum fuerit, ecclesia ipso facto interdicta esse censeatur, donec illae
extractae fuerint. Ne laici, tam mares quam foeminae cuiusvis generis et
dignitatis sint, in hac ecclesia Sancti Andreae intra cancellos stare vel sedere
nec chorum ipsum, dum divina officia celebrantur nec vero sacristiam
ingredi praesumant sub poena interdicti ab ingressu ecclesiae et aliis arbitrio
reverendissimi ordinarii.
96