san carlo parte iniziale volume 5 valletrompia.qxd - Brixia Sacra

BRIXIA SACRA
te sub arcu cappellae infra duos menses obturetur. Sacristia et campanile
infra annum construantur.
In oratorio Sancti Sebastiani loci Lemprati
Reficiatur oratorium ad formam decentem ab episcopo appro- [f. 905v]
bandam, et interim ne in eo celebretur, antequam de necessariis iudicio
vicarii foranei provisum sit. In coemiterio crux erigatur, et eiusdem septum
reficiatur. Foramen per quod accipitur ab ecclesiae extrinseco aqua benedicta
obturetur, et intrinsecus labium decens aquae benedictae collocetur.
In ecclesia Sancti Petri Amphi
Pyxis ad formam reducatur. Baptisterium aliud tertiae formae instructionum
comparetur cum ciborio congruo et tegatur ac sepiatur ad formam.
Cutilae et sacculi decentes fiant pro vasibus oleorum sacrorum. Altaris
maioris bradella ad formam reducatur. Cappella maior clathris ferreis
sepiatur ad formam infra sex menses. Fenestrae vitreis muniantur. Altaris
Sanctae Catharinae bradella ad formam reducatur. Altaris Sanctorum
Rochi et Cipriani infra octo dies tollantur. In altari Sancti Ioannis Baptistae
fiat icona decens, infra quattuor menses.
De cruce et candelabris aeneis provideatur. [f. 906r] Integumentum fiat
ad formam integumenti altaris suprascripti Sanctae Catharinae. Bradella
aptetur, et clathris ferreis claudatur expensis communitatis infra sex menses.
Fiat labium aquae benedictae. Confessionale ad formam loco congruo
et aperto ecclesiae collocetur infra mensem. Foramina in parietibus ecclesiae
muro obturentur. Fenestris sperae saltem ex tela cerata adhibeantur.
Suggesti schala sit gestatoria ne ecclesiam impediat, et alia in suggestu firmata,
per quam ad campanile est ascensus, tollatur et ostium campanilis
super fornicem altaris Sanctae Catharinae obturetur a medio usque ad
summitatem infra mensem.
In sacristia oratorium et lavatorium fiant. Provideatur de mappis, corporalibus
et de eorum sacculis diversorum colorum, de purificatoriis, de vase
item pro eorum ablutione, de palio albo, de thurribulo et aspersorio decente
infra quattuor menses. Praeterea, quamprimum poterit, comparentur ad
usum huius ecclesiae, quae de suppellectili parochialis ecclesiae in instructionibus
generalibus commonstrata sunt. [f. 906v] Clericus idoneus in habitu,
qui missis et aliis parochialibus officiis inserviat a populo sustineatur.
164