san carlo parte iniziale volume 5 valletrompia.qxd - Brixia Sacra

VALLE SABBIA
anno administrationum rationem vicario foraneo, vel cui ille demandarit,
referant. [f. 912r] Lampas ante Sanctissimum Sacramentum ardeat assidue
impensis scholae Sanctissimi Sacramenti, cuius etiam sint oblationes quae
in prima Dominica cuiuslibet mensis et in die Corporis Domini fiunt.
In oratorio Sancti Rochi
Altare et bradella ad formam reducantur. De cruce aenea provideatur infra
mensem, et a parte anteriori clathris ferreis sepiatur. Vitreae fenestris cappellae
adhibeantur. Fiat campanile super quo campana collocetur. A parte
anteriori muro oratorium claudatur, et donec de suprascriptis et de aliis
necessariis iuditio vicarii foranei provisum fuerit, in eo ne celebretur. Mons
pietatis huius loci erectionem a reverendissimo episcopo infra mensem
obtineat, et ab eodem regulas quas observent deputati habeant, et ne minimum
quidem pro mutuo accipiant ultra sortem, nisi facultate a Sancta Sede
apostolica impetrata.
Clerico in habitu, qui serviat in aperiendis et claudendis portis ecclesiae,
in dandis signis campanarum tempore congruo, curatus libras 15, populus
autem 25 singulo anno contribuat. Funes campanarum et paramenta a
communitate comparentur, cum autem ea resarcire contigerit, impensis
curati fiat. Ultra suprascriptum clericum, curatus alium etiam in habitu
habeat, qui missis et aliis parochialibus officiis inserviat.
Curatus ratione curae celebrans propriis cereis utatur. [f. 912v] Calicem
item et missale propriis impensis habeat, plura autem communitatis sumptu
habeantur. Idem curatus, ut consuevit celebrans nomine scholae diebus
festis nihil omnino habeat, aliis vero diebus, quibus satisfacit oneri, vel
devotioni ipsius scholae arbitrio dantis eleemosynam accipere poterit. In
ministrando sacramentum baptismi curatus non cereum, non manutergium
nec aliud quicquam accipiat, exigatve. In erudiendis pueris et aliis in
doctrina christiana, adhibitis etiam secum in hoc munere aliis operariis ad
praescriptum regularum institutionis christianae, se sollicitum praebeat. In
posterum maiorem adhibeat diligentiam in festorum observatione, et ut
violatores ad praescriptum canonum et conciliorum provincialium puniantur,
ad vicarium vel ad ordinarium deferat.
Curatus sub poena aureorum quinquaginta fabricae ecclesiae Sanctae
Mariae applicandorum, domum, in qua nunc habitat, nimis ab ecclesia
distantem, infra duos annos proxime futuros vendat et ex praetio eiusdem
177