san carlo parte iniziale volume 5 valletrompia.qxd - Brixia Sacra

RIVIERA DEL GARDA
Schola Sanctissimi Sacramenti et Rosarii unitae, non erectae. Regulas
habent, sed non comprobatas. Reguntur per massarium et duos sindicos,
qui in singulos annos vel mutantur, vel confirmantur. Habent redditus [f.
672v] annuos librarum 12 planetarum vel circa, et eleemosynas, quae in
anno esse poterunt aureorum 25, quae expenduntur in cereis pro processionibus
Sanctissimi Sacramenti, in celebratione missarum, in ornatibus
altaris, et in panibus et candelis, quae in die Purificationis Beatae Virginis
Mariae singulo confratri distribuuntur in ecclesia non sine dispendio scholae
ipsius, cum tam divitibus quam pauperibus distribuantur, et perturbatione
divinorum officiorum cum eo tempore haec distributio maxime fiat.
Administrationum rationes novis sindicis coram archipresbytero dantur.
Mons pietatis
De eius erectione non constat, habet quasdam regulas, sed non comprobatas.
Regitur per duos massarios, duos item sindicos, conservatorem et
notarium, qui singulis annis a comunitate dicti loci eliguntur et cum mercede
annua inserviunt. Capitale est librarum 3535 planetarum, alias pro
mutuis aliquid accipiebatur, sed nunc gratis mutuo datur super pignoribus
usque ad summam ducatorum octo.
Administrationum rationes novis administratoribus coram archipresbytero
dantur, qui etiam subscribit. Compertum est deputatos ex pecuniis
dicti Montis aureos [f. 673r] centum communitati dicti loci mutuo dedisse,
actum etiam fuit quod huic Monti datae fuere mutuo quaedam pecuniae
scholae Beatae Virginis Mariae et etiam argenti, quae nunquam restituit.
Hospitale de cuius erectione et instituto non constat, praeter quod
hospitalitas pauperum errantium, in quibusdam aedibus exercetur, cuius
curam habet mulier, quae a communi Maderni eligitur. Habet redditum
annuum ducati unius in annum. Item legatum ducatorum 60 semel tantum
conditum per presbyterum Iacobum Daviticum, reddituum et eleemosynarum
si quae fiunt, et supellectilium massarius Montis pietatis curam habet.
Legata pia eleemosynarum. Legatum Bartholomei quondam ser Antonii
Regatini comunitati Maderni factam nonnullorum bonorum stabilium, ex
quibus nunc percipitur annuus redditus librarum 22 planetarum cum onere
distribuendi dictum redditum in pane et vino pauperibus dicti loci Maderni.
Verum tam divitibus quam pauperibus erogantur. Aliud legatum Bernardini
91