san carlo parte iniziale volume 5 valletrompia.qxd - Brixia Sacra

BRIXIA SACRA
missa quae ex instituto uniuscuiusque confratriae seu scholae certo die
festo cuiusque mensis celebratur summarie scholarium gratiae, indulgentiae
et privilegia enuncientur eorumque institutum commendetur ad [f.
968v] quam missam collegiatam conveniant scholares et sanctissimae
eucharestiae sacramentum sumant, quod quidem promulgationis munus
administrationesve sanctissimi sacramenti prestabit archipresbiter vel eo
impedito sacerdos cui ille demandarit.
Oratoria et ecclesiae aliae Salodii
In oratorio sito 15 in superiori aula publicae audientiae magnifici Capitanei
quod ita exiguum et indecens est, ut potius armarium profanum videatur
quam oratorium ecclesiasticum, ne celebretur sub poena suspensionis a
divinis ipso facto incurrendae a sacerdote etiam regulari celebrante.
In oratorio Sanctae Catherinae
Altare cancellis ligneis sepiatur, bradella ad formam reducatur. Fenestrae
inferiores per quas e via publica introspicitur muro obturentur. Lapis sepulturae
ante bradellam tollatur et ibidem pavimentum adequetur. Ostii valvae
instaurentur nec ante in eo celebretur quam supradicta omnia adimpleta fuerint
sub poena suspensionis a divinis ipso facto incurrendae. [f. 969r] Capitulum
capellanorum residentium archipresbiteralis ecclesiae Salodii, quibus
per Rainutium Mazolenum assignatae fuerunt libras 500 ut fundus ematur et
eius reditus sit pro celebratione missarum in oratorio supradicto diebus
festivis, dictam assignationem intra mensem ordinario exhibeant qui summarie
ex officio procedat contra detinentes bona pro solutione et executioni
dictae assignationis pro ratione mercedis numerum missarum statuat.
In oratorio riparum Salodii sine nomine nimis angusto ne celebretur et
infra tres dies altare tollatur.
In ecclesia Sancti Ioannis Baptistae in burgo Salodii
A parte epistolae sacristiae construatur tantum spatii capiens quantum est
fundamentum campanilis a parte evangelii et super altare maiori construatur
fornix quae ab una parte a parietibus campanilis et ab alia a parietibus
sacristiae fabricandae fulciatur, pingatur et altare a parte anteriori clatris
ferreis claudatur intra annos duos. Duo altaria Beatae Virginis Mariae tollantur
et aliud ad formam iuxta parietem e regione portae maioris con-
316