san carlo parte iniziale volume 5 valletrompia.qxd - Brixia Sacra

VALLE SABBIA
In eo munere scientia tolerabilis. Bonae vitae ut dicitur. Habitat in suprascriptis
aedibus parochialibus. Animae 580 vel circa, quae sacram eucharestiam
sumunt 300 vel circa. Doctrinae christianae schola exercetur.
Schola Sanctissimi Sacramenti, cui unita est alia Beatae Virginis Mariae.
Non erectae. Regulas habent, sed non comprobatas, redditus annui librarum
20 planetarum per diversas personas relictas pro celebratione missarum,
quibus per archipresbyterum et eius coadiutorem satisfit. Eleemosynae
in annum esse poterunt librarum 120, quae in oleum lampadis, cereos,
ornatus altarium impenduntur. Reguntur per massarios duos qui singulis
annis mutantur et administrationum rationes singulo anno novis deputatis
coram archipresbytero dantur.
Mons pietatis
Non erectus, sed ab annis decem coeptus ex eleemosynis. Regulas certas
non habet neque comprobatas. Gratis exercetur per duos massarios in propriis
domibus, qui cum interventu archipresbyteri a communitate dicti loci
eliguntur et fideiubeunt 1 . Capitale est librarum 440 planetarum. Pro singulo
pignore ad [f. 697r] summum mutuo dantur librae 4 planetae gratis.
Administrationum rationes coram archipresbytero et deputatis a comunitate
novis massariis dantur, quibus etiam a veteribus pignora vel pecunias
pro summa suprascripti capitalis consignantur. Predictis Monti et scholis
facta fuerunt nonnulla legata semel tantum solvenda, sed non satisfit illis.
Die suprascripto
Visitavit ecclesiam Sancti Silvestri loci Famesiae, membrum suprascriptae
parochialis loci Savalli, in qua cura animarum exercetur. Consecratam ut creditur,
incapacem populi et inornatam, et in ea Sanctissimum Sacramentum
ante quod lampas expensis scholae eiusdem Sanctissimi Sacramenti iugiter
lucet. Baptisterium loco incongruo. Altaria duo, videlicet altare maius, altare
Sanctissimi Sacramenti cum schola de qua infra. Coemiterium. Sacristia.
Domum parochialem ecclesiae contiguam. Ecclesia ex eleemosynis et collectis
instauratur, quarum curam habent deputati a populo electi. Redditus
annui sunt librarum 168 planetarum vel circa. Curatus amovibilis nunc est
presbyter Angelus de Piliaorsis annorum 28, qui de facultate curam animarum
exercendi et ordinibus legitime docuit, scientia aptus ad curam animarum.
Residet Famesiae et habitat in aedibus parochialibus suprascriptis. Cle-
201