san carlo parte iniziale volume 5 valletrompia.qxd - Brixia Sacra

RIVIERA DEL GARDA
Domus parrochialis spatio quartae partis milliaris distat ab ecclesia et est
infra dictum collem. Ex eleemosynis et collectis quarum curam habent tres
electi a populo, ecclesia haec instauratur, et reparatur. Redditus annui huius
parochialis beneficii sunt ducatorum 100 vel circa. Titularis est presbyter
Antonius Martinonus annorum 53, qui est etiam capellanus titularis Ascensionis
loci Volciani. [f. 676r] De ordinibus et titulis beneficiorum docuit,
scientia tollerabilis in munere parochi. Negligens circa administrationem
sacramentorum et celebrationem missarum. Litigiosus ex visitatione et processu.
Residet et habitat in suprascriptis aedibus parochialibus, clericum
non habet. Animae 1200 vel circa, quae sacram eucharestiam sumunt 700 vel
circa. Nulla omnino exercetur schola Doctrinae christianae.
Schola Sanctissimi Sacramenti non erecta. Habet regulas, sed non comprobatas.
Redditus librarum 40. Item eleemosynas, quarum omnium
curam habet massarius a societate singulo anno electus, qui administrationum
rationes curato reddit. Regitur per dictum massarium et alios administratores
qui mutantur. Compertum est massarios temporis preteriti negligentes
fuisse in restituendis, quae apud illos remanent in fine anni.
Oratorium Sancti Rochi
Parvum, a parte anteriori apertum, habet unicum altare sine redditibus.
Ecclesia Sanctae Trinitatis loci Tribioli
Consecrata creditur, habet duo altaria, sacristiam, coemiterium septum, in
quo aliquando vicini sepeliuntur, qui sunt numero 200. In ecclesia suprascripta
institutio christiana diebus festivis exercetur, sed frigide. Est dotata
infrascriptis legatis, videlicet: ex testamento domini Tribioli de Paxiis
eius heredes tenentur ad [f. 676v] celebrationem missae quotidianae, bona
dictae hereditatis inter se diviserunt et praedicto oneri cum annua mercede
librarum 40 planetarum satisfaciunt per presbyterum Dominicum de Cerviatis
annorum 57, qui de ordinibus docuit, vix legit. Bonae vitae, ut dicitur.
Tribioli habitat, in domo propria. Aliud legatum Antonii de Pasiis nonnullorum
bonorum stabilium communi loci Tribioli, cum onere impendendi
redditus in celebratione missarum in dicta ecclesia. Aliud legatum cuiusdam
Gerardini librarum sex in anno impendenda in ornamenta dictae
ecclesiae et in celebrationem missarum. Item legatum librarum sex in anno,
quae percipiuntur ex tot bonis stabilibus. Aliud legatum nonnullorum
105