san carlo parte iniziale volume 5 valletrompia.qxd - Brixia Sacra

DECRETI AGGIUNTI
CARPENEDOLO, SAN GIOVANNI BATTISTA
[Decreta particularia, II, f. 993v
Brescia, XXIX, q. 10, f. 77v]
[Visita apostolica, II, pp. 273-280]
[f. 993v] In ecclesia Sancti Ioannis Baptistae loci Carpeneduli
Reverendissimus episcopus videat diligenter in visitatione sua an vere quae
alias decreta sunt de amplificatione cappellae maioris sine periculo ruinae
praestari possint et prout invenerit de ea amplificanda statuat.
ASOLA (MN), SANT’ANDREA
[Decreta particularia, II, ff. 993v-994v
Brescia, XXIX, q. 10, ff. 79r-80v]
[Visita apostolica, II, pp. 317-346]
[f. 993v] In ecclesia collegiata Sancti Andreae Asulae
Spatium temporis datum pro executione decretorum ad reparationem et
ornatum collegiatae ecclesiae Asulae spectantium, ad aliud biennium iuxta
magnificae communitatis eiusdem oppidi petitionem prorogatur, quare
liceat interim multum reverendo archipraesbitero praeter duo altaria ab
illustrissimo visitatore constituta in utroque capite brachiorum crucis
ecclesiae duo item alia a lateribus eiusdem ecclesiae erigere, in quibus cancellis
ligneis adhibitis missae sacrificium facere liceat; sed biennii spatio
elapso, si eiusdem ecclesiae reparatio ad praescriptum decretorum negligatur,
praedicta duo altaria omnino amoveantur et reverendissimus episcopus
uti Sedis apostolicae delegatus, huius etiam decreti auctoritate, praedictam
reparationem [f. 994r] ornatumque sedulo curet, propositis etiam poenis
et censuris et generali interdicto si opus fuerit.
Canonici omnes, qui ex fundatione praebendarum quas obtinent munus
coadiuvandi in animarum curatione obeant, quindecim dierum spatio praevio
reverendissimi ordinarii examine et scripta facultate probati, per se ipsos
praedicto oneri satisfaciant, qui vero probati non fuerint, per alios ab eodem
ordinario probandos munus suum exequantur alio quin huius decreti auctoritate
fructus omnes praebendarum illorum canonicorum, qui contumaces
fuerint, sequestro ponantur ac opportune relaxentur prout opus erit ad
sustentationem aliorum sacerdotum quos ab ordinario probatos; idem mul-
357