san carlo parte iniziale volume 5 valletrompia.qxd - Brixia Sacra

VALLE SABBIA
Provaglio Sopra (Valle Sabbia), San Michele
[a. Acta visitationis, ff. 709r-709v
Brescia, XXXIII, q. 1, ff. 60r-61r
U. VAGLIA, Storia della Valle Sabbia. Documenti, II, Brescia 1970 2 , pp. 181-182]
[b. Decreta particularia, ff. 947v-948v
Brescia, XXV, q. 2, ff. 21v-22v; XXXV, q. 26, ff. 275v-277r]
[a. CHIESA DI SAN MICHELE DI PROVAGLIO SOPRA]
[f. 709r] Die 14 maii praedicti anni
Visitavit ecclesiam Sancti Michaelis loci Provalii Superioris membrum
parochialis Provalii Superioris, in qua curam animarum exercetur. Consecratam
ut creditur, et in ea Sanctissimum Sacramentum non asservatur.
Baptisterium non ad formam. Altaria duo, videlicet altare maius et altare
Sanctissimi Sacramenti cum schola. Sacristiam et coemiterium clausum.
Haec ecclesia alias erat membrum archipresbyteratus Provalii inferioris, in
qua etiam bis in hebdomada archipresbyter celebrare tenebatur, cui ius
competebat decimandi per quarantulam agros dicti loci. Verum transactione
facta, archipresbyter a cura animarum et a celebratione missarum se exemit,
relaxatis suprascriptis decimis, reservata tamen sibi praestatione
annua; librarum *** transactio non ab ordinario sed apostolica Sede confirmata
fuit. Hinc homines loci predicti obtinuerunt ab ordinario facultatem
conducendi sacerdotem propriis expensis, qui curam animarum exerceret
et sacramenta ministraret in dicta ecclesia Sancti Michaelis.
Curatus amovibilis nunc est presbyter Iacobus de Iacobinis, cum annua
mercede ducatorum 50, annorum 30, de litteris ordinum et licentia curam
animarum exercendi [f. 709v] docuit, scientia tolerabilis in munere suo.
Clericum non habet et habitat in aedibus laicalibus. Bonae vitae, ut dicitur.
Animae sunt 500, quae sacram eucharestiam sumunt 300. Schola Doctrinae
christianae nulla exercetur.
Schola Sanctissimi Sacramenti non erecta, caret regulis comprobatis et
redditibus. Eleemosynae annuae esse poterunt librarum 36, ex quibus cerei
comparantur et quandoque panes qui pauperibus distribuitur. Regitur a
duobus deputatis a societate. Rationes administrationum societati coram
curato redduntur, quibus in visitatione visis subscriptum est.
259