san carlo parte iniziale volume 5 valletrompia.qxd - Brixia Sacra

BRIXIA SACRA
Apponantur lamina et tela confessionali, quod transferatur in patentiorem
locum oratorii. Labrum aquae sanctae decens aptetur infra mensem.
In oratorio Sanctae Mariae de Cagnatio
Altare ad formam adaugeatur. Fiat icona infra duos menses. Provideatur de
cruce et candelabris aeneis. Claudatur a parte anteriori infra tres menses.
Confessionale, quod est in cappella, in patentiori loco oratorii collocetur et
fiat alterum ad formam. Labrum aquae benedictae magis decens comparetur.
In oratorio Sancti Laurentii de Furno
Altare ad formam adaugeatur. Claudatur clathris ferreis infra tres menses.
[f. 937r] Provideatur de cruce aenea et fiat icona. Provideatur de paramento
rubro. Fenestrae muniantur vitreis infra quattuor menses. Schola Sanctissimi
Sacramenti loci Odeni, quae cum non docuerit de eius legitima
erectione, erecta est iam nunc ab illustrissimo visitatore, servet regulas ad
usum provinciae Mediolanensis edendas. Clericus idoneus in habitu, qui
missis et aliis parochialibus officiis inserviat, a curato cum contributione
quam a populo habere poterit, habeatur. Clerus et populus horum locorum,
ut eorum paci et tranquillitati consulatur in suo et non in alieno agro,
processiones habeat, cum illae obeundae sunt.
Per curatum infra mensem illustrissimo visitatori exhibeantur autentica
instrumenta transactionis et relaxationis quarantularum, factae cum communi
et hominibus locorum horum, ut opportune provideri possit indemnitati
huius ecclesiae. Curatus infra mensem habitet in domo parochiali
ibidemque dormiat et cibum capiat et perseveret sub poena aureorum
quinquaginta fabricae ecclesiae applicanda elapso termino. Celebret quotidie
ad praescriptum instrumenti conventionis antiquitus factae inter homines
et curatum ratione quarantularum. Curatus, cum a cura animarum
etiam legitime adesse contigerit, de sacerdote idoneo provideat qui missas
celebret et sacramenta ministret. [f. 937v] Idem curatus diebus festis, post
duas horas a solis ortu, missae sacrificium faciat; aliis vero diebus ea hora,
quae populo erit commodior iudicio vicarii foranei, sub poena eiusdem
vicarii foranei arbitrio infligenda.
Presbyter Balthesar Cottonus curatus, clericalem habitum ad praescriptum
conciliorum provincialium deferat et in posterum in instruendis pueris
et aliis in doctrina christiana, diebus praesertim festivis, in visitandis infir-
242