san carlo parte iniziale volume 5 valletrompia.qxd - Brixia Sacra

BRIXIA SACRA
Oratorium sine nomine in contrata Riparum, parvum et a parte anteriori
apertum, ornatum tamen, habet unicum altare sine redditibus.
Ecclesia Sancti Ioannis Baptistae in capite Salodii consecrata ut creditur.
Altaria tria sunt. In hac ecclesia adsunt infrascripta legata. Legatum Frasini
de Frasinis nonnullorum bonorum stabilium, quorum annui redditus sunt
ducatorum 18 cum onere missae quotidianae, et reservavit ius eligendi sacerdotem
amovibilem viciniae ac familiae ipsius testatoris, in quo summus item 6
pontifex nec alius ecclesiasticus se intromittere possit. Cappellanus est presbyter
Antonius de Frascinis annorum 63, qui de ordinibus docuit, scientia
vix tolerabilis in munere suo, [f. 722v] diffamatus de avaritia, habitat in aedibus
patrimonialibus, et oneri integre non satisfacit.
Aliud legatum conditum per *** de Bordegatiis ducatorum 12 in anno
cum onere missae quotidianae, ad quorum solutionem commune Salodii
tenetur ut supra in legato altaris Nominis Iesu in statu ecclesiae archipresbyteralis
descriptum est. Cappellanus nunc est presbyter Antonius Dusinellus
annorum 60, de ordinibus et facultate audiendi confessiones docuit.
Scientia in utroque munere ex suprascriptis habilis. Vir pius et probatae
vitae in aedibus laicalibus habitat.
Aliud legatum a Ioanne Petro Gallucio conditum librarum 15 in anno cum
onere missarum in dicto oratorio 7 a sacerdote celebrandarum, qui ad nutum
heredum sit amovibilis, et casu quo dictum legatum ab aliquo impetraretur,
declaravit heredes ad solutionem praedicti legati non teneri. Haeredes nunc
sunt Andreas et Iulius de Galluciis, qui ab annis sexdecim non satisfaciunt.
Adest etiam cessio facta a Petro de Ogna medietatis modii olei olivarum quod
cum facultate ipsius cedentis commutatum est in redditus annuos librarum
20, quae solvuntur per Follium de Folliis de Paugignagho cum clausola quod
in his redditibus nullus ecclesiasticus, nec etiam summus pontifex etc., aliter
nulla sit cessio, et quod vicini eius [f. 723r] ecclesiae pro eius libito impendant
in ornatum ecclesiae vel celebrationem missarum, qui quidem redditus nunc
una cum eleemosynis a vicinis dantur fratribus Santi Francisci de Observantia
dicti loci Salodii, qui quotidie in hac ecclesia celebrant.
Aliud legatum librarum 5 in anno a domino Ventura Porzello conditum 8
quod ad libitum dictae viciniae in hac ecclesia impendi potest. Adsunt etiam
annui redditus librarum 10, quae solvuntur ab Aloysio quondam Inocentii
Maffioli. Fabricae et ornamentorum huius ecclesiae curam habet vicinia per
286