san carlo parte iniziale volume 5 valletrompia.qxd - Brixia Sacra

BRIXIA SACRA
petant, a qua 9 etiam confirmationem unionis, quam asserunt factam, bonorum
per Bernardinum de Bertellis relictorum habere procurent, nisi de ea
infra tres menses coram ordinario legitime constiterit nec non attributionem
peccuniarum argenti item a schola Beatae Virginis Mariae iam pluribus
annis mutuo acceptorum obtineant infra sex menses alioquin restituantur
omnino in priores usus et institutum convertenda. Praeterea idem praefecti
aureos centum communitatis huius loci iam diu mutuo datos, termino
unius mensis restituant nec ultra peccunias Montis pietatis ab eius instituto
et pio usu ita longe divertent sub poena ipso facto incurrenda privationis,
administrationis et restituendi duplum de proprio.
In ecclesia Sancti Faustini in Monte Maderni
Altare ad formam reducatur et muro subtus impleatur infra octo dies. Cappella
pingatur et sub eius arcu fixis in gradu lapideo clathris ferreis sepiatur
infra sex menses. [f. 879r] Altare Sancti Bartholomaei tollatur infra tres dies.
Altari Beatae Virginis Mariae fiat bradella lignea. Cancellis ligneis 10 claudatur
infra mensem et fenestris vitreae adhibeantur. Ornetur icona et pingatur cappella
infra sex menses. Provideatur de cruce aenea. Tollantur e caemiterio olivae
infra tres menses et crux in eo erigatur et in ingressu eiusdem clathra 11
ferrea collocentur. Sacristia alia magis decens fiat et ampla cum oratorio in ea
et caeteris iuxta generales instructiones provideaturque de paramento albo et
palio rubeo ac corporalibus et eorum sacculis purificatoriisque.
Praefecti fabricae Sancti Faustini testamentum Pasqueti Regatini in quo
dicitur dotasse altare Sanctae Mariae constructum in oratorio Sancti Faustini
in monte Maderni termino mensis ordinario exhibeant, qui summarie
et ex officio procedat et prout iuris fuerit compellat haeredes ad relaxationem
bonorum relictorum et ad solutionem fructuum perceptorum totius
temporis praeteriti expendendorum iudicio eiusdem ordinarii partim in
ornamenta suprascripti altaris, partim in emptionem fundi cuius redditus
sit pro celebratione missarum.
Cappellanus Sancti Faustini illis diebus festis et solemnibus, quibus
consuevit [f. 879v] accedere ad celebrandum et inserviendum divinis officiis
in archipresbiterali Maderni in dicta ecclesia Sancti Faustini, ita opportunae
missae sacrificium faciat ut etiam reliquis officiis intersit in archipresbiterali
ecclesiae, quod si forte ob celebrationem dictae missae populus
qui prope ecclesiam Sancti Faustini habitat ab ecclesia archipresbiterali
100