san carlo parte iniziale volume 5 valletrompia.qxd - Brixia Sacra

BRIXIA SACRA
Sanctae Catharinae tot bonis stabilibus quorum redditus annui satis sint
pro celebratione missae quotidianae et quod a suprascriptis haeredibus exigetur
ratione gradimenti bonorum, quibus dictum altare dotare tenebantur
respectu totius temporis praeteriti, expendatur [f. 951r] in fabricam paramenta
et ornamenta capellae et altaris Sanctae Catharinae construendae.
Scholares Sanctae Catherinae quibus relatum est per Nicolaum Mazzonium
fictum modiorum quatuor olei in anno, quod postea in redditum
libras quadraginta octo planetarum ex facultate ipsius legantis est reductum,
cum onere dandi illum reditum sacerdoti qui quotidie ad dictum altare
celebret, reductionem missarum ab ordinario obtineant, qui ordinarius
cogat presbiterum Petrum Bertellum ad restitutionem totius mercedis
quam indebite accepit ob incompatibilitatem oneris alterius quotidianae
missae quam cum mercede congrua tenebatur celebrare in dicto altare,
ratione legati quondam presbiteri Christophori della Porta et illud mercedis,
quod ultra praestitum munus accepit, expendatur in fabricam, ornamenta
et paramenta capellae et altaris Sanctae Catharinae nuper ad formam
extruendae in spatio ubi nunc est porta lateralis aquilonaris.
Ad suprascriptum altare Sanctae Catharinae et capellam construandam
transferuntur iam nunc onera et emolumenta altaris Nominis Iesu eiusque
societas. Exhibeatur reverendissimo episcopo termino mensis per archipresbiterum
venditio bonorum huic altari Nominis Iesu relictorum in territorio
Desenzani per Andream Bordegatium [f. 951v] cum onere missae
quotidianae, qui si eam minus iuridice factam fuisse cognoscet, prout iuris
erit, cogat detentores bonorum ad ea relaxanda, aut commune Salodii et
homines, qui uti commissarii dicta bona vendiderunt et nunc solvunt
capellano ducatos duodecim in anno, alia bona substituere ut ex illorum
reditibus onus dictae missae quotidianae adimpleri possit. Quod si venditio
et assignatio suprascriptorum ducatorum duodecim de iure factae
erunt, ordinarius onus missarum ad rationem mercedis reducat.
Ad altare Sancti Georgii transferuntur iam nunc onera et emolumenta
altaris Sancti Michaelis destruendi 3 et eius onus missae quotidianae et
sustentatio clerici eidem missae inservientis sumptu communitatis ex haereditate
Eustachii de Rambonis. Munus magistri chori capellano suprascripti
altaris Sancti Michaelis a patronis inditum de eorundem consensu
confirmamus, ita ut qui pro temporibus ad hoc legatum percipiendum eligendus
erit, talis sit qui dictum munus per se ipsum obire possit. Altare
296