san carlo parte iniziale volume 5 valletrompia.qxd - Brixia Sacra

VALLE SABBIA
ac pauperes quandoque sublevantur. Regitur a tribus sindicis, et ministro,
qui singulo anno mutantur et administrationum rationes curato reddunt,
quibus visis in visitatione subscriptum est.
Oratorium Sancti Gotardi in Monte, a parte anteriori apertum, et omnino
inornatum, habet unicum altare sine redditibus, in quo quandoque ex
devotione celebratur.
Oratorium aliud parvum Sancti Gotardi, sine altare, clausum, in quo
tamen sunt statuae et imagines sacrae pulchrae; et eleemosynae et oblationes
fiunt, quarum curam habent deputati quatuor a populo Barghae electi,
quibus administrationum rationibus subscriptum est in visitatione.
[b.] [f. 941r] In parochiali ecclesia Sancti Georgii Barghi
Fiat pyxis pro populi communione. Distinguatur omnino tabernaculum
pro processionibus a pyxide et ad formam reducatur. Tabernaculum
ligneum introvestiatur et haec infra mensem. Cappella maior claudatur a
parte anteriori et fenestrae vitreis muniantur infra sex menses. Confessionale
exportetur in locum patentiorem et fiat alterum ad formam infra duos
menses. Cum alia altaria extruenda erunt in hac ecclesia altaria duo in lateribus
extra cappellam maiorem ad formam poterunt construi, quae ornentur,
pingantur et claudantur ac provideatur de necessariis ad formam
instructionum. Aliud baptisterium ad tertiam formam instructionum comparetur
cum congruo ciborio, sepiatur et integumentum habeat infra
annum. Vas autem, in quo nunc aqua baptismalis asservatur, usui esse poterit
huic vel alteri ecclesiae pro aqua benedicta. Provideatur de vasibus et de
scatulis pro oleis sacris. Fenestella in cappella maiori a parte evangelii construatur,
ornetur et claudatur ad formam et in ea oleum infirmorum asservetur.
Ecclesia quam primum perficiatur.
Septum coemiterii, ubi perfecta erit ecclesia, reparetur et in eo [f. 941v]
erigatur crux et pingatur imago Sancti Georgii supra portam maiorem eccle-
269