san carlo parte iniziale volume 5 valletrompia.qxd - Brixia Sacra

RIVIERA DEL GARDA
scriptis aedibus parochialibus habitat. Animae 1400 quae sacram [f. 665r]
eucarestiam sumunt 900. Schola Doctrinae christianae nulla fere exercetur.
Schola Sanctissimi Sacramenti erecta, ut dicitur, per ordinarium. Regitur
per massarium et cancellarios, qui coram parocho mutantur. Habet
regulam sed non comprobatam, redditum item annuum librarum 5 solidorum
10 planetarum, qui una cum eleemosynis impenduntur in celebrationem
missarum, cereos et ornatus altaris. Administrationum rationes coram
curato redduntur.
Schola Rosarii
Erecta ut apparet ex litteris vicarii Inquisitionis Brixiae. Regulam non
habet, neque redditus, sed eleemosynas tantum, quae in ornatus altaris erogantur.
Regitur per massarium et quatuor administratores, qui singulis
annis mutantur.
Schola Sanctae Crucis
De erectione eius non constat. Regitur per rectorem et quatuor consiliarios,
qui mutantur. Habet regulas veteres non comprobatas. Institutum eius
scholae est fidem domini nostri Iesu Christi ex voto tueri, et ob id quicquid
dicti factive scholares animadvertunt contra catholicam fidem, officio sanctae
Inquisitionis denuntiare tenentur. Nullos habet redditus, sed eleemosynas
quae in celebrationem missarum, ut supra, et ornatus altaris distribuuntur,
et administrationum rationes singulis annis coram curato redduntur.
Oratorium Sancti Ioannis Baptistae satis pulchrum
Habet unicum altare, et in eodem schola Sanctissimae Trinitatis prout
infra. [f. 665v] Schola Sanctissimae Trinitatis est aggregata archiconfraternitati
Sanctissimae Trinitatis urbis Romae, ut ex pubblico documento
apparet. Regitur per officiales viginti, eorum institutum est opera misericordiae
et hospitalitatem precipue exercere. Nullos habet redditus, sed
eleemosynas, quae in ornatum oratorii praedicti et huiusmodi ut supra
distribuuntur. Administrationum rationes quoque semestri coram vicario
foraneo redduntur.
Hospitale Sanctae Ursulae loci Boliaci
Fundatum fuit per illos de Paturellis, et dotatum nonnullis bonis stabilibus,
quorum redditus annui nunc sunt librae 70 planetarum vel circa. Insti-
67