san carlo parte iniziale volume 5 valletrompia.qxd - Brixia Sacra

BRIXIA SACRA
ministraret ad praescriptum concilii provincialis, sub poena restitutionis
fructuum et privationis dicti beneficii ac quoties diebus festis non celebrasset
poena duorum scutorum scholae Sanctissimi Sacramenti applicandorum
mulctaretur. Cum huic decreto nequaquam paruerit reverendissimus
vero ordinarius cum poenis praedictis afficiat ut iuris erit processumque
aliorum erratorum perficiat et causas eiusdem audiat, cognoscat et fine
debito terminet.
Presbyteri Augustinus Piovinus, Iacobus de Frattis et Iacobus de Agazolis
cappellani titulares in ecclesia Sancti Thomae terrae Pontisvici qui ob non
solutam praescripto tempore pecuniam quam ex instrumento inter eos et
dominum reserva- [f. 980v] tarium eiusdem ecclesiae inito debent, quemadmodum
etiam decretis visitationis illis est iniunctum, suspensionis et scutorum
quinquaginta poenam incurrerunt, ubi satisfecerint aut saltem idoneam
fideiussonem coram reverendissimo episcopo de solvendo intra spatium breve
ab episcopo praescribendum dederint eidem reverendissimo episcopo,
eos a predicta suspensione liberare liceat imposita poenitentia salutari 1 .
[f. 981r] Infrascripti omnes et singuli, si in posterum contra formam
praecepti illis facti in actis visitationis ut infra in aliquo contravenerint,
poenis in praecepto contentis afficiantur ac contra eos ex forma praecepti
per reverendissimum ordinarium eiusque vicarios severe agatur propositis
etiam in posterum aliis poenis severioribus eiusdem ordinarii arbitrio et
qui sunt vero: Petrus Caparinus concubinarius cum Beltrama, dominus
Iulius Finettus concubinarius cum Iulia de Turolottis, quibus emanatum
fuit praeceptum quatenus sub excommunicationis quoad viros, quo vero
ad mulieres exilii a civitate et diocesi Brixiensi ac aliis poenis etc., termino
trium dierum debeant se separari ab omni inhonesto commercio nec simul
ulterius in domo seu extra domum conversari vel cohabitare praesumant.
Si tamen reverendissimus episcopus magis expedire censuerit ut nova
parochialis ecclesia aedificetur, liceat eiusdem reverendissimi episcopi iussu
veterem parochialem ecclesiam, quae extra muros est, demoliri illiusque
materiam in novam ecclesiam converti, servatis iure servandis, praesertim
quae Tridentino concilio hoc in genere praescripta sunt eidemque episcopo
liceat cum reverendissimo Valerio reservatario, cappellanis populoque de
sumptu aliter quam decretum est, transigere, statuereque ita tamen ut ipse
dominus reservatarius in novae ecclesiae aedificationem pro sua rata portione,
non minus mille aureis nummis conferat atque intra duos menses omni-
338