san carlo parte iniziale volume 5 valletrompia.qxd - Brixia Sacra

BRIXIA SACRA
Dantes de Chirattis lector exemplum ordinum suorum quindecim dierum
spatio sumptum a notario in actis visitationis repraesentet, alioquin in eis
ne ministret. Efficiat archipresbiter omni studio et diligentia ut in scholas
Corporis Domini et Rosarii beatae Virginis omnes, qui pietate adducti [f.
1005v] cooptari petierint, prompte recipiantur, curetque ut ab eorum
administratione viri etiam non cives, dummodo providi et boni testimonii
sint, non excludantur.
Dominus Franciscus Pontorius cui factum fuit praeceptum sub poena
excommunicationis et domina Aurelia de Cinquinis cui factum fuit praeceptum
sub poena exilii 2 ne simul cohabitent vel aliud commercii genus
inter se habeant directe nec per indirectum, donec ex praescripto sacri concilii
Tridentini matrimonium inter eos rite contractum sit. Item Andreas
Oliverius de Calcinate cui factum fuit praeceptum in faciem ut separatim
vivat a Veronica de Bonfadinis cum qua existit in *** gradu prohibito,
donec legitime absoluti et dispensati fuerint sub poena ***, si in posterum
contra formam praecepti in aliquo contravenerint poenis in eodem praecepto
contentis afficiantur et contra eos ex forma eiusdem praecepti per
reverendum ordinarium eiusque vicarios severe agatur propositis etiam in
posterum aliis poenis severioribus eiusdem ordinarii arbitrio.
In oratorio Sancti Rochi Isei
Homines huius oppidi cum misericordiae, quam grassante peste a Deo optimo
maximo consecuti sunt, non immemores esse debeant voto a se suscepto,
integre pleneque satisfacere studeant et in eo in primis ut propriis eorum
impensis missa quotidie hic celebretur, reditus autem ecclesiae in ornatum
aliosque ecclesiae usus impendantur quibus illi ex voto astricti non sunt.
In ecclesia monasterii Sancti Francisci Isei
Altaria duo lateralia cum suis bradellis ad formam longe lateque [f. 1006r]
pateant, in iis autem nec celebretur nisi aditus ad locum superiorem ubi
fratres laici orare solent lapidibus obstruatur. [f. 1006v bianco]
1
Segue gerenda cassato.
2
Segue audent cassato.
376