san carlo parte iniziale volume 5 valletrompia.qxd - Brixia Sacra

VALLE SABBIA
Savallo (Mura), Beata Vergine Maria
[a. Acta visitationis, ff. 695v-701r
Brescia, XXXIII, ff. 47r-52v
U. VAGLIA, Storia della Valle Sabbia. Documenti, II, Brescia 1970 2 , pp. 152-164]
[b. Decreta particularia, ff. 919v-928r, 1053r
Brescia, XXV, 1r-3r, 155v-156v; XXVIII, ff. 211r, 212r-215v]
[a. CHIESA PARROCCHIALE DELLA BEATA VERGINE MARIA DI SAVALLO]
[f. 695v] Die nono maii praedicti anni
Visitavit parochialem ecclesiam archipresbyteratum nuncupatam Beatae
Virginis Mariae loci Savalli caput plebis, et deinceps intra eius fines infrascriptas
ecclesias, cappellas, oratoria, scholas et pia loca. Consecratam [f.
696r] ut creditur, et amplam atque in ea Sanctissimum Sacramentum ante
quod lampas expensis scholae Sanctissimi Sacramenti assidue lucet. Baptisterium,
sed loco incongruo. Reliquias parvas sanctorum Andreae et
Bartholomei, et ex ossibus brachii sanctorum Cosmae et Damiani in vasibus
vitreis et stamneis. Altaria quinque, videlicet altare maius in quo schola
Sanctissimi Sacramenti de qua infra, altare Sancti Georgii, quod habet
legatum bonorum nonnullorum ex quibus percipitur annuus redditus
librarum septem cum onere missae unius in hebdomada, cui satisfacit
archipresbyter qui etiam dictos redditus percipit; altare Beatae Virginis
Mariae habet scholam unitam societati Sanctissimi Sacramenti. Coemiterium.
Sacristiam. Domum parochialem ecclesiae annexam. Redditus annui
huius parochialis beneficii sunt librarum 900 vel circa planetarum, ex quibus
ratione pensionis annue singulis annis solvuntur aurei octaginta de
camera domino Achili Cantio.
Titularis est presbyter Ioannes Baptista de Barberiis annorum 32. De
titulo beneficii et ordinibus docuit. Scientia idoneus in muneri parochi quo
fungitur. Suspectus de simonia ut ex processu. In reliquis bene audit in
populo. Residet Savalli et habitat in domibus parochialibus suprascriptis.
Clericum non habet, sed sacerdotem coadiutorem curae animarum tamen,
ut ex antiqua consuetudine ex fructibus huius beneficii teneri compertum
est. Coadiutor nunc est [f. 696v] presbyter Franciscus de Grisiis annorum
40 qui de ordinibus et licentia dictam curam animarum exercendi docuit.
199