san carlo parte iniziale volume 5 valletrompia.qxd - Brixia Sacra

BRIXIA SACRA
Schola Doctrinae christianae nulla fere exercetur. Archipresbyter et
eius coadiutor quotidie, ex usu antiquo, in suprascripta ecclesia et oratoriis
illi subiectis celebrare consueverunt officia et missas mortuorum et in diebus
festis celebrant. In visitatione convenerunt populus et archipresbyter
ut populus pro duabus partibus, archipresbyter vero pro tertia parte contribuat
ad supellectilia ecclesiae comparanda.
Schola Sanctissimi Sacramenti non erecta redditibus caret. Regulas
habet, sed non comprobatas, regitur a duobus massariis, qui singulis annis
a deputatis mutantur cum interventu curati vel confirmantur. Eleemosynae
esse poterunt librarum 100 planetarum, ex quibus cerei et ornamenta circa
Sanctissimum Sacramentum comparantur, praeterea etiam candelae et
panes quae in die Purificationis distribuuntur confratribus. Administrationum
rationes coram archipresbytero redduntur, quibus visis in visitatione
subscriptum est.
Oratorium Sancti Faustini
Non consecratum, habet duo altaria sine redditibus, in quibus quandoque
ex devotione celebratur. Adest coemiterium parum septum. Suprascriptum
oratorium a populo ex eleemosynis reficitur, sed eleemosynarum administratio
non describitur.
Oratorium Sancti Rochi campestre, nuper a populo ex devotione extructum,
[f. 702v] habet unicum altare sine redditibus.
Ecclesia Sancti Vigilii in monte ruinosa 1 , et derelicta. Consecrata tamen
creditur, habet unicum altare et inornatum, in quo celebratur in diebus
Sancti Vigilii et dominicis mensis augusti. In hac ecclesia est clericatus,
cuius redditus annui sunt librarum circiter 70 planetarum cum onere, ut
dicitur, missarum suprascriptarum et distribuendi panes et libras 37 casei et
zerlas duas vini in die Sancti Vigilii.
Titularis est presbyter Ludovicus Soldus 2 , qui etiam est canonicus in
cathedrali brixiensi, qui dictis oneribus satisfacit, attamen quia suprascripta
ecclesia maxima reparatione egere visa est, in preiuditium titularis sequestra
reddituum in visitatione facta sunt, ut pro tribus partibus dicta reparatio
fiat expensis titularis, pro quarta autem parte concurrat populus, ut
promisit. In diebus Sanctae Crucis et Santi Marci solemnem post 3 proces-
222